Duleep Trophy ಕ್ರಿಕೆಟ್‌: ಇಂಡಿಯಾ ಬಿ, ಸಿ ಜಯ

Team Udayavani, Sep 9, 2024, 12:30 AM IST

ಬೆಂಗಳೂರು: ದುಲೀಪ್‌ ಟ್ರೋಫಿ ಕ್ರಿಕೆಟ್‌ ಪಂದ್ಯಾವಳಿಯ ಮೊದಲ ಸುತ್ತಿನ ಮುಖಾಮುಖಿಯಲ್ಲಿ ಇಂಡಿಯಾ ಬಿ ಮತ್ತು ಇಂಡಿಯಾ ಸಿ ತಂಡಗಳು ಜಯ ಸಾಧಿಸಿವೆ.

ಬೆಂಗಳೂರಿನಲ್ಲಿ ನಡೆದ ಪಂದ್ಯದಲ್ಲಿ ಅಭಿಮನ್ಯು ಈಶ್ವರನ್‌ ಸಾರಥ್ಯದ ಇಂಡಿಯಾ ಬಿ ತಂಡ 76 ರನ್ನುಗಳಿಂದ ಇಂಡಿಯಾ ಎ ತಂಡವನ್ನು ಮಣಿಸಿತು. ಗೆಲುವಿಗೆ 275 ರನ್‌ ಗಳಿಸಬೇಕಿದ್ದ ಗಿಲ್‌ ಪಡೆ, ರವಿವಾರ 198ಕ್ಕೆ ಆಲೌಟ್‌ ಆಯಿತು.

ಮೂರೇ ದಿನದಲ್ಲಿ ಗೆದ್ದ “ಸಿ’
ಅನಂತಪುರದಲ್ಲಿ ನಡೆದ ಪಂದ್ಯದಲ್ಲಿ ಇಂಡಿಯಾ ಸಿ 4 ವಿಕೆಟ್‌ಗಳಿಂದ ಇಂಡಿಯಾ ಡಿ ತಂಡವನ್ನು ಮಣಿಸಿತು. ಗೆಲುವಿಗೆ 233 ರನ್‌ ಗುರಿ ಪಡೆದ ಋತುರಾಜ್‌ ಗಾಯಕ್ವಾಡ್‌ ನಾಯಕತ್ವದ ಸಿ ತಂಡ 6 ವಿಕೆಟ್‌ ನಷ್ಟದಲ್ಲಿ ಇದನ್ನು ಸಾಧಿಸಿತು.