ಜಮ್ಮು-ಕಾಶ್ಮೀರ ಕ್ರಿಕೆಟ್‌ ಅಕ್ರಮ: ಫಾರೂಕ್‌ ಅಬ್ದುಲ್ಲಾಗೆ ಸೇರಿದ 11.86 ಕೋ.ರೂ. ಆಸ್ತಿ ವಶ

Team Udayavani, Dec 20, 2020, 9:30 AM IST

ಹೊಸದಿಲ್ಲಿ: ಜಮ್ಮು-ಕಾಶ್ಮೀರ ಕ್ರಿಕೆಟ್‌ ಸಂಸ್ಥೆಯಲ್ಲಿ ಅಕ್ರಮ ಹಣ ಸಾಗಣೆ ನಡೆಸಿರುವ ಆರೋಪದಲ್ಲಿ, ಅಲ್ಲಿನ ಮಾಜಿ ಮುಖ್ಯಮಂತ್ರಿ ಫಾರೂಕ್‌ ಅಬ್ದುಲ್ಲಾ ಮತ್ತು ಇತರರಿಗೆ ಸೇರಿದ 11.86 ಕೋಟಿ ರೂ. ಆಸ್ತಿಯನ್ನು ಜಾರಿ ನಿರ್ದೇಶನಾಲಯ (ಇಡಿ) ವಶಪಡಿಸಿಕೊಂಡಿದೆ.

ಜಮ್ಮು ಮತ್ತು ಶ್ರೀನಗರದಲ್ಲಿರುವ ಈ ಆಸ್ತಿಗಳನ್ನು ವಶಪಡಿಸಿಕೊಳ್ಳಲು ಇಡಿ ತಾತ್ಕಾಲಿಕ ಆದೇಶ ಹೊರಡಿಸಿದೆ. 83 ವರ್ಷದ ನ್ಯಾಷನಲ್‌ ಕಾನ್ಫರೆನ್ಸ್‌ ಪಕ್ಷದ ಹಿರಿಯ ನಾಯಕ ಅಬ್ದುಲ್ಲಾರನ್ನು, ಇದೇ ಪ್ರಕರಣದಲ್ಲಿ ಅಕ್ಟೋಬರ್‌ನಲ್ಲೊಮ್ಮೆ ವಿಚಾರಣೆಗೊಳಪಡಿಸಲಾಗಿತ್ತು.

ಇದನ್ನೂ ಓದಿ:ಮಗುಚಿ ಬಿದ್ದ ಟಾಟಾ ಏಸ್ ವಾಹನ: 12 ಮಂದಿಗೆ ಗಾಯ, ನಾಲ್ವರು ಮಹಿಳೆಯರು ಗಂಭೀರ

ಪ್ರಸ್ತುತ ಆಸ್ತಿಗಳನ್ನು ಅಕ್ರಮ ಹಣ ಸಾಗಣೆ ನಿಗ್ರಹ ಕಾಯ್ದೆಯಡಿ ವಶಪಡಿಸಿಕೊಳ್ಳಲಾಗಿದೆ. ಈ ಆಸ್ತಿಗಳ ಪೈಕಿ ಎರಡು ಸ್ಥಿರಾಸ್ತಿಗಳು ವಸತಿ ಸ್ಥಾನಗಳಾಗಿವೆ. ಇನ್ನೊಂದು ವಾಣಿಜ್ಯ ಮಹತ್ವ ಹೊಂದಿದೆ. ಇನ್ನೂ ಮೂರು ಜಾಗಗಳೂ ಇಡಿಯ ವಶಕ್ಕೆ ಹೋಗಿವೆ.