ಮತ್ತೆ ಮುಳುಗಿದ ಆಸೀಸ್ ನೌಕೆ: ಬಟ್ಲರ್ – ಮಲಾನ್ ಸಾಹಸದಿಂದ ಟಿ 20 ಸರಣಿ ಗೆದ್ದ ಇಂಗ್ಲೆಂಡ್

Team Udayavani, Sep 7, 2020, 8:14 AM IST

ಸೌಥಂಪ್ಟನ್: ಬೌಲರ್ ಗಳ ಸಂಘಟಿತ ಪ್ರಯತ್ನ, ಜೋಸ್ ಬಟ್ಲರ್ ಅಬ್ಬರದ ಬ್ಯಾಟಿಂಗ್ ಗೆ ಸಿಲುಕಿದ ಆಸೀಸ್ ತಂಡ ಎರಡನೇ ಟಿ20 ಪಂದ್ಯದಲ್ಲೂ ಸೋಲನುಭವಿಸಿದೆ. ಸತತ ಎರಡನೇ ಪಂದ್ಯ ಗೆದ್ದ ಇಂಗ್ಲೆಂಡ್ ಸರಣಿ ಗೆದ್ದುಕೊಂಡಿದೆ.

ಮೊದಲು ಬ್ಯಾಟಿಂಗ್ ಮಾಡಿದ ಆಸೀಸ್ 20 ಓವರ್ ಗಳಲ್ಲಿ 157 ರನ್ ಗಳಿಸಿತು. ನಾಯಕ ಫಿಂಚ್ 40 ರನ್ ಗಳಸಿದರೆ, ಮಾರ್ಕಸ್ ಸ್ಟೋಯಿನಸ್ 35 ರನ್ ಗಳಿಸಿದರು. ಮಾಕ್ಸ್ ವೆಲ್ 26, ಆ್ಯಗರ್ 23 ರನ್ ಗಳಿಸಿ ಉಪಯುಕ್ತ ಕೊಡುಗೆ ನೀಡಿದರು.

ಇಂಗ್ಲೆಂಡ್ ಪರ ಕ್ರಿಸ್ ಜೋರ್ಡನ್ ಎರಡು ವಿಕೆಟ್ ಪಡೆದರೆ, ಆರ್ಚರ್, ವುಡ್, ಆದಿಲ್ ರಶೀದ್ ತಲಾ ಒಂದು ವಿಕೆಟ್ ಕಬಳಿಸಿದರು.

ಗುರಿ ಬೆನ್ನತ್ತಿದ ಇಂಗ್ಲೆಂಡ್ ಜಾನಿ ಬೆರಿಸ್ಟೋ ಹಿಟ್ ವಿಕೆಟ್ ಆಗಿ ಬೇಗನೇ ಔಟಾದರು. ಆದರೆ ಇನ್ ಫಾರ್ಮ್ ಆಟಗಾರರಾದ ಜೋಸ್ ಬಟ್ಲರ್ ಮತ್ತು ಡೇವಿಡ್ ಮಲಾನ್ ಉತ್ತಮ ಜೊತೆಯಾಟ ನಡೆಸಿದರು. ಬಟ್ಲರ್ ಅಜೇಯ 77 ರನ್ ಗಳಿಸಿದರೆ, ಮಲಾನ್ 48 ರನ್ ಬಾರಿಸಿದರು. ಅಂತಿಮವಾಗಿ ಇಂಗ್ಲೆಂಡದ್ 18.5 ಓವರ್ ನಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ ಗುರಿ ಬೆನ್ನತ್ತಿತು.

ಆಸೀಸ್ ಪರ ಆ್ಯಸನ್ ಆ್ಯಗರ್ ಎರಡು ವಿಕೆಟ್ ಕಬಳಿಸಿದರೆ, ಸ್ಟಾರ್ಕ್ ಮತ್ತು ಜಾಂಪಾ ತಲಾ ಒಂದು ವಿಕೆಟ್ ಕಬಳಿಸಿದರು. ಬಟ್ಲರ್ ಪಂದ್ಯಶ್ರೇಷ್ಠ ಪಡೆದರು. ಒಂದು ಪಂದ್ಯ ಬಾಕಿ ಇರುವಂತೆ ಇಂಗ್ಲೆಂಡ್ ಸರಣಿ ಗೆದ್ದುಕೊಂಡಿದೆ.