ENGvsAUS; ಆಸೀಸ್‌ ಸರಣಿಯಿಂದ ಹೊರಬಿದ್ದ ಬಟ್ಲರ್;‌ ಹೊಸ ನಾಯಕನ ನೇಮಿಸಿದ ಇಂಗ್ಲೆಂಡ್

Team Udayavani, Sep 5, 2024, 5:24 PM IST

ENGvsAUS; Buttler out of Aussie series; England appointed new captain

ಲಂಡನ್:‌ ಮುಂಬರುವ ಆಸ್ಟ್ರೇಲಿಯಾ ವಿರುದ್ದದ ಟಿ20 ಸರಣಿಯಿಂದ ಇಂಗ್ಲೆಂಡ್‌ ನಾಯಕ ಜೋಸ್‌ ಬಟ್ಲರ್‌ (Jos Buttler) ಹೊರಬಿದ್ದಿದ್ದಾರೆ. ಬಲ ಕಾಲಿನ ಗಾಯದಿಂದಾಗಿ ಜೋಸ್‌ ಬಟ್ಲರ್‌ ಅವರು ಮುಂದಿನ ಪ್ರಮುಖ ಸರಣಿಯಿಂದ ಹೊರಗುಳಿಯುವಂತಾಗಿದೆ. ಐದು ಪಂದ್ಯಗಳ ಏಕದಿನ ಸರಣಿಯಿಂದಲೂ ಅವರು ಹೊರಬೀಳುವ ಆತಂಕದಲ್ಲಿದ್ದಾರೆ.

ಇಂಗ್ಲೆಂಡ್‌ ಮತ್ತು ವೇಲ್ಸ್‌ ಕ್ರಿಕೆಟ್‌ ಬೋರ್ಡ್‌ ಇಂದು ತಂಡ ಪ್ರಕಟ ಮಾಡಿದ್ದು, ಟಿ20 ಸರಣಿಗೆ ಫಿಲ್‌ ಸಾಲ್ಟ್‌ ಅವರನ್ನು ಮಧ್ಯಂತರ ನಾಯಕರನ್ನಾಗಿ ನೇಮಿಸಲಾಗಿದೆ. ಏಕದಿನ ಸರಣಿಗೆ ಬಟ್ಲರ್‌ ಅವರನ್ನು ನೇಮಿಸಲಾಗಿದೆ

ದಿ ಹಂಡ್ರೆಡ್‌ ಕೂಟದ ವೇಳೆ ಬಟ್ಲರ್‌ ಅವರು ಗಾಯಗೊಂಡು ಕೂಟದಿಂದ ಹೊರಬಿದ್ದಿದ್ದರು. ಆಸೀಸ್‌ ವಿರುದ್ದದ ಸರಣಿಗೆ ಮೊದಲು ಅವರು ಚೇತರಿಕೆ ಕಾಣುವ ನಿರೀಕ್ಷೆಯಿತ್ತು. ಆದರೆ ಅವರಿನ್ನೂ ಸಂಪೂರ್ಣವಾಗಿ ಗುಣಮುಖರಾಗಿಲ್ಲ. ಟಿ20 ವಿಶ್ವಕಪ್‌ ಬಳಿಕ ಜೋಸ್‌ ಬಟ್ಲರ್‌ ಇಂಗ್ಲೆಂಡ್‌ ಪರ ಕ್ರಿಕೆಟ್‌ ಆಡಿಲ್ಲ.

ಬಟ್ಲರ್‌ ಬದಲಿಗೆ ಆಲ್‌ ರೌಂಡರ್‌ ಜೇಮಿ ಓವರ್ಟನ್‌ ಅವರನ್ನು ತಂಡಕ್ಕೆ ಸೇರಿಸಲಾಗಿದೆ. ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ ಅವರು ಕೇವಲ ಬ್ಯಾಟರ್‌ ಆಗಿ ತಂಡದಲ್ಲಿ ಆಡಲಿದ್ದಾರೆ.

ಸೆ.11ರಿಂದ ಆಸೀಸ್‌ ವಿರುದ್ದ ಟಿ20 ಸರಣಿ ಆರಂಭವಾಗಲಿದೆ. ಸೆ.19ರಿಂದ ಟ್ರೆಂಟ್‌ ಬ್ರಿಡ್ಜ್‌ ನಲ್ಲಿ ಏಕದಿನ ಸರಣಿ ಶುರುವಾಗಲಿದೆ.

ಇಂಗ್ಲೆಂಡ್ ಟಿ20ಐ ತಂಡ: ಫಿಲ್ ಸಾಲ್ಟ್ (ನಾ), ಜೋಫ್ರಾ ಆರ್ಚರ್, ಜಾಕೋಬ್ ಬೆಥೆಲ್, ಬ್ರೈಡನ್ ಕಾರ್ಸೆ, ಜೋರ್ಡಾನ್ ಕಾಕ್ಸ್, ಸ್ಯಾಮ್ ಕರ್ರನ್, ಜೋಶ್ ಹಲ್, ವಿಲ್ ಜಾಕ್ಸ್, ಲಿಯಾಮ್ ಲಿವಿಂಗ್‌ ಸ್ಟೋನ್, ಸಕಿಬ್ ಮಹಮೂದ್, ಡಾನ್ ಮೌಸ್ಲಿ, ಜೇಮೀ ಓವರ್ಟನ್, ಆದಿಲ್ ರಶೀದ್, ರೀಸ್‌ ಟೋಪ್ಲಿ, ಜಾನ್ ಟರ್ನರ್.

ಇಂಗ್ಲೆಂಡ್ ಏಕದಿನ ತಂಡ: ಜೋಸ್ ಬಟ್ಲರ್ (ನಾ), ಜೋಫ್ರಾ ಆರ್ಚರ್, ಗಸ್ ಅಟ್ಕಿನ್ಸನ್, ಜಾಕೋಬ್ ಬೆಥೆಲ್, ಹ್ಯಾರಿ ಬ್ರೂಕ್, ಬ್ರೈಡನ್ ಕಾರ್ಸೆ, ಜೋರ್ಡಾನ್ ಕಾಕ್ಸ್, ಬೆನ್ ಡಕೆಟ್, ಜೋಶ್ ಹಲ್, ವಿಲ್ ಜಾಕ್ಸ್, ಮ್ಯಾಥ್ಯೂ ಪಾಟ್ಸ್, ಆದಿಲ್ ರಶೀದ್, ಫಿಲ್ ಸಾಲ್ಟ್, ಜೇಮೀ ಸ್ಮಿತ್, ರೀಸ್ ಟೋಪ್ಲಿ, ಜಾನ್ ಟರ್ನರ್