ಫೆಡರರ್‌ಗೆ ಸುಲಭ ಜಯ

Team Udayavani, Mar 14, 2018, 7:30 AM IST

ಇಂಡಿಯನ್‌ ವೆಲ್ಸ್‌ (ಕ್ಯಾಲಿಫೋ ರ್ನಿಯಾ): ಸ್ವಿಸ್‌ ದಂತಕತೆ ರೋಜರ್‌ ಫೆಡರರ್‌ ಆರನೇ ಇಂಡಿಯನ್‌ ವೆಲ್ಸ್‌  ಟೆನಿಸ್‌ ಪ್ರಶಸ್ತಿ ಗೆಲುವಿನ ಸನಿಹಕ್ಕೆ ಬಂದಿದ್ದಾರೆ. ಸೋಮವಾರ ನಡೆದ 3ನೇ ಸುತ್ತಿನ ಸ್ಪರ್ಧೆಯಲ್ಲಿ ಅವರು ಸರ್ಬಿಯಾದ ಫಿಲಿಪ್‌ ಕ್ರ್ಯಾಜಿನೊವಿಕ್‌ ವಿರುದ್ಧ 6-2, 6-1 ನೇರ ಸೆಟ್‌ ಸುಲಭ ಜಯದೊಂದಿಗೆ ನಾಲ್ಕನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.

36ರ ಹರೆಯದ ಅನುಭವಿ ಆಟಗಾರ ಫೆಡರರ್‌ ಎದುರಾಳಿ ಕ್ರ್ಯಾಜಿನೊವಿಕ್‌ ಅವರನ್ನು 58 ನಿಮಿಷಗಳಲ್ಲಿ ಮಣಿಸಿದರು. ಈ ಋತುವಿನಾರಂಭದಿಂದಲೂ ಅಮೋಘ ಪ್ರದರ್ಶನ ನೀಡುತ್ತಲೇ ಬಂದಿರುವ ಫೆಡರರ್‌ ಆಡಿದ 14 ಪಂದ್ಯಗಳಲ್ಲೂ ಜಯ ಸಾಧಿಸಿದ್ದಾರೆ.

ಪಂದ್ಯದ ಬಳಿಕ ಪ್ರತಿಕ್ರಿಯಿಸಿರುವ ವಿಶ್ವ  ನಂ. 1 ಆಟಗಾರ, “ಕ್ರ್ಯಾಜಿನೊವಿಕ್‌ ಅವರನ್ನು ಇಕ್ಕಟ್ಟಿಗೆ ಸಿಲುಕಿಸುವ ಸಲುವಾಗಿ ನಾನು ಮಿಶ್ರ ಆಟ ಪ್ರದರ್ಶಿಸಿದೆ. ಅದರ ಜತೆಗೆ ನಾನು ಆಟವನ್ನು ಆನಂದಿಸಿದೆ, ವೈವಿಧ್ಯತೆ ಪ್ರದರ್ಶಿಸಿದೆ ಕೂಡ’ ಎಂದಿದ್ದಾರೆ.