ಗಾಲೆ ಟೆಸ್ಟ್‌: ಇಂಗ್ಲೆಂಡ್‌ ಮೇಲುಗೈ

Team Udayavani, Nov 8, 2018, 6:05 AM IST

ಗಾಲೆ: ಪ್ರವಾಸಿ ಇಂಗ್ಲೆಂಡ್‌ ವಿರುದ್ಧ ಮೊದಲ ಟೆಸ್ಟ್‌ನ ದ್ವಿತೀಯ ದಿನ ಅತಿಥೇಯ ಶ್ರೀಲಂಕಾ 203 ರನ್‌ಗಳಿಗೆ ಸರ್ವಪತನ ಕಂಡಿದೆ.

ಮೊದಲ ದಿನ 8 ವಿಕೆಟ್‌ ಕಳೆದುಕೊಂಡು 321 ರನ್‌ ಗಳಿಸಿದ್ದ ಇಂಗ್ಲೆಂಡ್‌ ತಂಡ ದ್ವಿತೀಯ ದಿನ ಇನ್ನಿಂಗ್ಸ್‌ ಮುಂದುವರಿಸಿ ಕೇವಲ 21 ರನ್‌ ಗಳಿಸಿ ತನ್ನಲ್ಲ ವಿಕೆಟ್‌ ಕಳೆದುಕೊಂಡಿತು. ಟೆಸ್ಟ್‌ನ ಮೊದಲ ದಿನ 87 ರನ್‌ ಸಂಪಾದಿಸಿ ಇಂಗ್ಲೆಂಡ್‌ಗೆ ಆಸರೆಯಾಗಿ ನಿಂತ ಫೋಕ್ಸ್‌ ಶತಕ ಬಾರಿಸಿ ಸಂಭ್ರಮಿಸಿದರು.

ಅನಂತರ ಬ್ಯಾಟಿಂಗ್‌ಗೆ ಇಳಿದ ಶ್ರೀಲಂಕಾ ಆರಂಭಿಕ ಆಘಾತ ಅನುಭವಿಸಿತು. ಆರಂಭಿಕರಾದ ಕರುಣಾರತ್ನೆ ಹಾಗೂ ಕುಶಲ್‌ ಸಿಲ್ವ ಒಂದಂಕಿಗೆ ನಿರ್ಗಮಿಸಿದರು. ಅಂತಿಮವಾಗಿ ಶ್ರೀಲಂಕಾ 203 ರನ್‌ಗಳಿಗೆ ತನ್ನೆಲ್ಲ ವಿಕೆಟ್‌ ಕಳೆದುಕೊಂಡಿದ್ದರಿಂದ ಇಂಗ್ಲೆಂಡ್‌ ಮೇಲುಗೈ ಸಾಧಿಸಿತು.

ಎರಡನೇ ಇನ್ನಿಂಗ್‌ ಆರಂಭಿಸಿದ ಇಂಗ್ಲೆಂಡ್‌ 12 ಓವರ್‌ಗಳಲ್ಲಿ ಯಾವುದೇ ವಿಕೆಟ್‌ ನಷ್ಟವಿಲ್ಲದೆ 38 ಗಳಿಸಿದೆ. ಒಟ್ಟಾರೆ 177 ರನ್‌ಗಳ ಮುನ್ನಡೆ ಕಾಯ್ದುಕೊಂಡಿದೆ. ರೋರಿ ಬರ್ನ್ಸ್ (11), ಕೀಟನ್‌ ಜೆನ್ನಿಂಗ್ಸ್‌ (26) ಕ್ರೀಸ್‌ನಲ್ಲಿದ್ದಾರೆ.