ಪಂದ್ಯ ಗೆಲ್ಲುವುದೇ ನಮ್ಮ ಗುರಿ: ಕೊಹ್ಲಿ

Team Udayavani, Feb 23, 2017, 9:52 AM IST

ಪುಣೆ: ತನ್ನ ನಾಯಕತ್ವದ ಬಗ್ಗೆ ತೀರ್ಪು ನೀಡಲು ಇದು ಸರಿಯಾದ ಸಮಯವಲ್ಲ. ಆದರೆ ನಾಯಕತ್ವದ ಹೊಣೆ ವಹಿಸಿದ ಬಳಿಕ ನಾನೋರ್ವ ಉತ್ತಮ ಬ್ಯಾಟ್ಸ್‌ಮನ್‌ ಆಗಿ ರೂಪುಗೊಂಡಿದ್ದೇನೆ. ನಾಯಕತ್ವದಿಂದ ನನ್ನ ಸ್ಥಿರ ನಿರ್ವಹಣೆಗೆ ಯಾವುದೇ ತೊಂದರೆಯಾಗಿಲ್ಲ ಎಂದು ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ತಿಳಿಸಿದ್ದಾರೆ.

ಪ್ರತಿಯೊಂದು ಸರಣಿ ಬಳಿಕ ನಾಯಕತ್ವದ ಬಗ್ಗೆ ನಾನು ತೀರ್ಮಾನ ತೆಗೆದುಕೊಳ್ಳುವುದಿಲ್ಲ. ನಮ್ಮ ಆದ್ಯತೆ ಮತ್ತು ಗುರಿ ಕ್ರಿಕೆಟ್‌ನ ಪ್ರತಿಯೊಂದು ಪಂದ್ಯ ಗೆಲ್ಲುವುದು ಆಗಿದೆ. ನಮ್ಮ ತಂಡ ಯಾವ ರೀತಿ ನಿರ್ವಹಣೆ ನೀಡುತ್ತದೆ ಮತ್ತು ಆಟಗಾರರು ಹೇಗೆ ಸ್ಥಿರವಾದ ನಿರ್ವಹಣೆ ನೀಡುತ್ತಾರೆ ಎಂಬುದು ಎಷ್ಟು ಮುಖ್ಯವೋ ಅಷ್ಟೇ ಮುಖ್ಯ ನಾಯಕತ್ವ ಕೂಡ. ಒಂದು ವೇಳೆ ನಮ್ಮ ಆಟಗಾರರು ತಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಆಡದಿದ್ದರೆ ನಾಯಕನಾಗಿ ನಾನು ಹೆಚ್ಚಿನ ಕೆಲಸ ಮಾಡಲು ಸಾಧ್ಯವಿಲ್ಲ ಎಂದು ಕೊಹ್ಲಿ ವಿವರಿಸಿದರು.