ಅರುಣಾ ರೆಡ್ಡಿಗೆ ತೆಲಂಗಾಣದಿಂದ 2 ಕೋಟಿ ರೂ. ಘೋಷಣೆ

Team Udayavani, Mar 5, 2018, 6:10 AM IST

ಹೈದರಾಬಾದ್‌: ಆಸ್ಟ್ರೇಲಿಯಾದ ಮೆಲ್ಬರ್ನ್ನಲ್ಲಿ ನಡೆದ ಜಿಮ್ನಾಸ್ಟಿಕ್‌ ವಿಶ್ವಕಪ್‌ ಕೂಟದಲ್ಲಿ ಭಾರತಕ್ಕೆ ಮೊದಲ ಪದಕ ಗೆದ್ದು
ತಂದ ಅರುಣಾ ರೆಡ್ಡಿಗೆ ತೆಲಂಗಾಣ ಸರಕಾರ 2 ಕೋಟಿ ರೂ. ನಗದು ಬಹುಮಾನ ಘೋಷಿಸಿದೆ.

ಕಂಚಿನ ಪದಕ ಗೆದ್ದಿರುವ ಅರುಣಾ ರೆಡ್ಡಿಗೆ ಶುಭಾಶಯ ಪ್ರಕಟಿಸಿದ ಬಳಿಕ ಮುಖ್ಯಮಂತ್ರಿ ಚಂದ್ರಶೇಖರ್‌ ಅವರು ಭಾನುವಾರ ಸಿಎಂ ನಿವಾಸ ಪ್ರಗತಿ ಭವನದಲ್ಲಿ ಬಾರೀ ಮೊತ್ತದ ನಗದು ಬಹುಮಾನ ಪ್ರಕಟಿಸಿದರು. ವಾರಗಳ ಹಿಂದೆಯಷ್ಟೇ ಅರುಣಾ ಭಾರತಕ್ಕೆ ಮೊದಲ ಜಿಮ್ನಾಸ್ಟಿಕ್‌ ವಿಶ್ವಕಪ್‌ ಪ್ರಶಸ್ತಿ ಗೆದ್ದು ತಂದಿದ್ದರು. ಈ ಹಿಂದೆ ಬ್ಯಾಡ್ಮಿಂಟನ್‌ ತಾರೆ ಪಿ.ವಿ.ಸಿಂಧು ಪ್ರಶಸ್ತಿ ಗೆದ್ದಿದ್ದಾಗಲೂ ತೆಲಂಗಾಣ ಸರಕಾರ ಕೋಟ್ಯಂತರ ರೂ. ನಗದು ಬಹುಮಾನ ಪ್ರಕಟಿಸಿದ್ದನ್ನು ಸ್ಮರಿಸಬಹುದು.

ಕ್ರೀಡೆಗೆ ಬಾರೀ ಪ್ರೋತ್ಸಾಹ ನೀಡುತ್ತಿರುವ ತೆಲಂಗಾಣ ಸರಕಾರ ಒಲಿಂಪಿಕ್ಸ್‌, ಕಾಮನ್ವೆಲ್ತ್‌,ಏಷ್ಯಾಡ್‌ನ‌ಲ್ಲಿ ಪ್ರಶಸ್ತಿ ಗೆದ್ದವರಿಗೆ ಕೋಟ್ಯಂತರ ರೂ. ನಗದು ನೀಡುವ ಪ್ರಕಟಣೆಯನ್ನು ಈಗಾಗಲೆ ಹೊರಡಿಸಿದೆ.