ಹೆಟ್‌ಮೈರ್‌ಗೆ ಗೆಳತಿಯ ಚಿಯರ್!

Team Udayavani, Oct 27, 2018, 6:00 AM IST

ಗಯಾನಾ (ವೆಸ್ಟ್‌ಇಂಡೀಸ್‌): ಶಿಮ್ರನ್‌ ಹೆಟ್‌ಮೈರ್‌ ಪ್ರವಾಸಿ ವೆಸ್ಟ್‌ ಇಂಡೀಸ್‌ ತಂಡದ ಬ್ಯಾಟಿಂಗ್‌ ಹೀರೋ ಎನಿಸಿಕೊಂಡು ಸುದ್ದಿಯಲ್ಲಿದ್ದಾರೆ. ಸಹಜವಾಗಿಯೇ ಇದು ಅವರ ಗೆಳತಿ ನಿರ್ವಾಣಿ ಉಮ್ರಾವ್‌ ಅವರಿಗೆ ಖುಷಿ ಕೊಟ್ಟಿದೆ.

ಇವರಿಬ್ಬರೂ ಗಯಾನಾದವರಾಗಿದ್ದು, ಬಾಲ್ಯ ಸ್ನೇಹಿತರಾಗಿದ್ದಾರೆ. ನಿರ್ವಾಣಿ ಮುಂಜಾನೆ 4 ಗಂಟೆಗೆ ಎದ್ದು ಟಿ.ವಿ. ಮುಂದೆ ಕುಳಿತು ತನ್ನ ಸ್ನೇಹಿತನ ಬ್ಯಾಟಿಂಗ್‌ ವೈಖರಿಯನ್ನು ತೀವ್ರ ಕುತೂಹಲದಿಂದ ವೀಕ್ಷಿಸುತ್ತಾರೆ. ದೂರದ ಕೆರಿಬಿಯನ್‌ ನಾಡಿನಿಂದಲೇ ಹೆಟ್‌ಮೈರ್‌ಗೆ ಚಿಯರ್ ಹೇಳುತ್ತಿದ್ದಾರೆ.

ಅಂತಾರಾಷ್ಟ್ರಿಯ ಕ್ರಿಕೆಟ್‌ನಲ್ಲಿ ಅದರಲ್ಲೂ ನಿಗದಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ಉತ್ತಮ ಆರಂಭ ಪಡೆದಿರುವ 21ರ ಹರೆಯದ ಹೆಟ್‌ಮೈರ್‌ ವಿಂಡೀಸಿನ ತಾರಾ ಆಟಗಾರನಾಗಿದ್ದಾರೆ. ಎಡಗೈ ಬ್ಯಾಟ್ಸ್‌ಮನ್‌ ಆಗಿರುವ ಅವರು 14 ಏಕ ದಿನ ಪಂದ್ಯಗಳಿಂದ 679 ರನ್‌ ದಾಖಲಿಸಿದ್ದಾರೆ. ಗುವಾಹಟಿಯ ಮೊದಲ ಏಕದಿನದಲ್ಲಿ ಶತಕ ಬಾರಿಸಿದ ಹೆಟ್‌ ಮೈರ್‌, ವಿಶಾಖಪಟ್ಟಣದಲ್ಲಿ 94 ರನ್‌ ಸಿಡಿಸಿದ್ದರು. ಆದರೆ ಈ ಎರಡೂ ಪಂದ್ಯಗಳಲ್ಲಿ ವಿಂಡೀಸಿಗೆ ಗೆಲುವು ಒಲಿಯದಿದ್ದುದು ಸಹಜವಾಗಿಯೇ ಹೆಟ್‌ಮೈರ್‌-ನಿರ್ವಾಣಿ ಜೋಡಿಗೆ ಭಾರೀ ನಿರಾಸೆ ಮೂಡಿಸಿದೆ.