Historic move; ಒಂದು ಟೆಸ್ಟ್ ಗೆ 45 ಲಕ್ಷ ರೂ ಸಂಬಳ; ಹೊಸ ಯೋಜನೆ ಘೋಷಿಸಿದ ಬಿಸಿಸಿಐ

Team Udayavani, Mar 9, 2024, 3:29 PM IST

ಧರ್ಮಶಾಲಾ: ಇಂಗ್ಲೆಂಡ್ ವಿರುದ್ಧದ ಐದು ಪಂದ್ಯಗಳ ಟೆಸ್ಟ್ ಸರಣಿಯು ಇಂದು ಮುಗಿದಿದೆ. ಸರಣಿಯನ್ನು ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡವು 4-1ರಿಂದ ಗೆದ್ದುಕೊಂಡಿದೆ. ಮೊದಲ ಪಂದ್ಯದಲ್ಲಿ ಸೋತಿದ್ದ ಭಾರತವು ಉಳಿದ ಮೂರು ಪಂದ್ಯಗಳಲ್ಲಿ ಗೆದ್ದು ಸರಣಿ ವಿಕ್ರಮ ಸಾಧಿಸಿದೆ.

ಇದೇ ವೇಳೆ ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಅವರು ಟೆಸ್ಟ್ ಕ್ರಿಕೆಟ್ ಆಟಗಾರರಿಗೆ ಹೆಚ್ಚಿನ ಉತ್ತೇಜನ ನೀಡುವ ಹಿನ್ನೆಲೆಯಲ್ಲಿ ‘ಟೆಸ್ಟ್ ಕ್ರಿಕೆಟ್ ಪ್ರೋತ್ಸಾಹ ಯೋಜನೆ’ಯನ್ನು ಘೋಷಿಸಿದ್ದಾರೆ.

ಒಂದು ಋತುವಿನಲ್ಲಿ ಭಾರತಕ್ಕಾಗಿ ಶೇಕಡಾ 75 ಕ್ಕಿಂತ ಹೆಚ್ಚು ಟೆಸ್ಟ್‌ಗಳನ್ನು ಆಡುವ ಆಟಗಾರರು ಪ್ರತಿ ಟೆಸ್ಟ್ ಪಂದ್ಯಕ್ಕೆ 45 ಲಕ್ಷ ಹೆಚ್ಚುವರಿ ಶುಲ್ಕವನ್ನು ಪಡೆಯುತ್ತಾರೆ. ಸದ್ಯ ಪ್ರತಿ ಟೆಸ್ಟ್ ಕ್ರಿಕೆಟಿಗನಿಗೆ ವಿಶ್ವದ ಶ್ರೀಮಂತ ಕ್ರಿಕೆಟ್ ಮಂಡಳಿಯಾದ ಬಿಸಿಸಿಐ 15 ಲಕ್ಷ ಪಂದ್ಯ ಶುಲ್ಕವನ್ನು ಪಾವತಿಸುತ್ತದೆ.

ಹೊಸ ಯೋಜನೆಯು 2022-23 ಋತುವಿನಿಂದ ಜಾರಿಗೆ ಬರುತ್ತದೆ, ಅಂದರೆ ಮಂಡಳಿಯು ಟೆಸ್ಟ್ ಆಟಗಾರರಿಗೆ ಬಾಕಿ ಹಣವನ್ನು ಹಸ್ತಾಂತರಿಸುತ್ತದೆ. ಈ ಯೋಜನೆಗಾಗಿ ಬಿಸಿಸಿಐ ಪ್ರತಿ ಋತುವಿನಲ್ಲಿ 40 ಕೋಟಿ ರೂ.ಗಳ ಹೆಚ್ಚುವರಿ ಹಣವನ್ನು ಖರ್ಚು ಮಾಡಲಿದೆ.

ಒಂದು ಋತುವಿನಲ್ಲಿ ಶೇಕಡಾ 75 ಕ್ಕಿಂತ ಹೆಚ್ಚು ಟೆಸ್ಟ್ ಪಂದ್ಯಗಳನ್ನು ಆಡುವ ಆಟಗಾರರಿಗೆ ಪ್ರತಿ ಪಂದ್ಯಕ್ಕೆ 45 ಲಕ್ಷ ರೂಪಾಯಿಗಳ ಹೆಚ್ಚುವರಿ ಶುಲ್ಕವನ್ನು ನೀಡಲಾಗುತ್ತದೆ. ಶೇಕಡಾ 75 ಕ್ಕಿಂತ ಹೆಚ್ಚು ಸರಣಿಯಲ್ಲಿದ್ದರೂ ಆಡುವ ಬಳಗದಲ್ಲಿ ಇರದಿದ್ದವರು ಸಹ ಪ್ರತಿ ಪಂದ್ಯಕ್ಕೆ ಹೆಚ್ಚುವರಿ ಪಂದ್ಯ ಶುಲ್ಕವಾಗಿ 22.5 ಲಕ್ಷ ರೂಪಾಯಿಗಳನ್ನು ಪಡೆಯುತ್ತಾರೆ.

I am pleased to announce the initiation of the ‘Test Cricket Incentive Scheme’ for Senior Men, a step aimed at providing financial growth and stability to our esteemed athletes. Commencing from the 2022-23 season, the ‘Test Cricket Incentive Scheme’ will serve as an additional… pic.twitter.com/Rf86sAnmuk

— Jay Shah (@JayShah) March 9, 2024

ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಅವರು ದೇಶೀಯ ಪಂದ್ಯಾವಳಿಗಳಿಗೆ, ವಿಶೇಷವಾಗಿ ರಣಜಿ ಟ್ರೋಫಿಗೆ ಆದ್ಯತೆ ನೀಡಲು ಗುತ್ತಿಗೆ ಆಟಗಾರರಿಗೆ ಒತ್ತು ನೀಡಿದ ಕೆಲವು ದಿನಗಳ ನಂತರ ಈ ಕ್ರಮವು ಬಂದಿದೆ.

ಫ್ರಾಂಚೈಸ್ ಆಧಾರಿತ ಟಿ20 ಲೀಗ್‌ಗಳು ಕ್ರಿಕೆಟ್ ಕ್ಯಾಲೆಂಡರ್‌ ನಲ್ಲಿ ಪ್ರಾಬಲ್ಯ ಸಾಧಿಸುತ್ತಿರುವ ಮತ್ತು ಆಟಗಾರರಿಗೆ ಲಾಭದಾಯಕ ಆಯ್ಕೆಗಳನ್ನು ನೀಡುತ್ತಿರುವ ಸಮಯದಲ್ಲಿ ಬಿಸಿಸಿಐ ಈ ಐತಿಹಾಸಿಕ ಕ್ರಮವು ಟೆಸ್ಟ್ ಕ್ರಿಕೆಟ್‌ ಗೆ ಪ್ರೋತ್ಸಾಹ ನೀಡುವತ್ತ ಒಂದು ಹೆಜ್ಜೆಯಾಗಿದೆ.