ಹಾಕಿ: ನ್ಯೂಜಿಲ್ಯಾಂಡ್‌ ವಿರುದ್ಧ ಭಾರತಕ್ಕೆ 3-0 ಅಂತರದ ಗೆಲುವು

Team Udayavani, Feb 6, 2020, 5:14 AM IST

ಆಕ್ಲೆಂಡ್‌: ಸ್ಟ್ರೈಕರ್‌ ನವನೀತ್‌ ಕೌರ್‌ ಅವರ ಅವಳಿ ಗೋಲುಗಳ ಸಹಾಯದಿಂದ ನ್ಯೂಜಿಲ್ಯಾಂಡ್‌ ಪ್ರವಾಸದಲ್ಲಿರುವ ಭಾರತ ವನಿತಾ ಹಾಕಿ ತಂಡ ಅಂತಿಮ ಪಂದ್ಯದಲ್ಲಿ 3-0 ಅಂತರದ ಗೆಲುವಿನೊಂದಿಗೆ ಕೂಟವನ್ನು ಮುಗಿಸಿದೆ.

ಮಂಗಳವಾರ ಆಕ್ಲೆಂಡ್‌ನ‌ಲ್ಲಿ ನಡೆದ ಕೂಟದ 4ನೇ ಪಂದ್ಯದಲ್ಲಿ ಬ್ರಿಟನ್‌ ವಿರುದ್ಧ ಭಾರತ ತಂಡ 1-0 ಗೆಲುವು ದಾಖಲಿಸಿತು. ಬುಧವಾರ ನಡೆದ ಅಂತಿಮ ಪಂದ್ಯದ 45ನೇ ನಿಮಿಷದಲ್ಲಿ ಸ್ಟ್ರೈಕರ್‌ ನವನೀತ್‌ ಕೌರ್‌ ಖಾತೆ ತೆರೆದು ಭಾರತಕ್ಕೆ 1-0 ಮುನ್ನಡೆ ತಂದುಕೊಟ್ಟರು. ಇದಾದ ಒಂಬತ್ತೇ ನಿಮಿಷದ ಅಂತರದಲ್ಲಿ ಶರ್ಮಿಳಾ ಗೋಲು ಬಾರಿಸಿ ಬ್ರಿಟನ್‌ಗೆ ಸಂಕಷ್ಟ ತಂದರು. ಆದರೇ ಭಾರತದ ಓಟ ಇಲ್ಲಿಗೆ ಮುಗಿಯಲಿಲ್ಲ 58 ನಿಮಿಷಕ್ಕೆ ನವನೀತ್‌ ಮತ್ತೂಂದು ಗೋಲು ಬಾರಿಸಿ 3-0 ಅಂತರದದಲ್ಲಿ ಎದುರಾಳಿಗಳ ಮೇಲೆ ಭಾರತ ಸಂಪೂರ್ಣ ಹಿಡಿತ ಸಾಧಿಸಿತು.

ಕೂಟದ ಮೊದಲ ಪಂದ್ಯದಲ್ಲಿ ಭಾರತ ತಂಡ ನ್ಯೂಜಿಲ್ಯಾಂಡ್‌ ವಿರುದ್ಧ 4-0 ಗೆಲುವು ಸಾಧಿಸಿದ್ದರು. ಬಳಿಕ ಆತಿಥೇಯರಿಗೆ 2-1 ಹಾಗೂ 1-0 ಅಂತರದಿಂದ ಶರಣಾಗಿದ್ದರು.

“ಈ ಗೆಲುವಿನೊಂದಿಗೆ ನನಗೆ ಖುಷಿಯಾಗಿದೆ. ಅಂತಿಮ ಪಂದ್ಯದಲ್ಲಿ ಉತ್ತಮವಾಗಿ ನಮ್ಮ ಆಟಗಾರರು ಬಹಳ ಅದ್ಬುತವಾಗಿವಾಗಿ ಪ್ರದರ್ಶನ ತೋರಿದ್ದಾರೆ. ಮೊದಲ ಪಂದ್ಯವನ್ನು ಗೆದ್ದು ನಂತರದಲ್ಲಿ ಸಸತ ಎರಡೂ ಪಂದ್ಯದಲ್ಲಿ ಸೋತರು ಆತ್ಮವಿಶ್ವಾಸ ಕಳೆದುಕೊಳ್ಳದ ಆಟಗಾರ್ತಿಯರು ಅಂತಿಮ ಪಂದ್ಯದಲ್ಲಿ ಎದುರಾಳಿಗಳನ್ನು ಬಗ್ಗು ಬಡಿದದ್ದು ತಂಡದ ಪ್ರಗತಿಯನ್ನು ತೋರಿಸಿಕೊಟ್ಟಿದೆ’ ಎಂದು ಕೋಚ್‌ ಸೋರ್ಡ್‌ ಮರಿನ್‌ ಪ್ರತಿಕ್ರಿಯಿಸಿದ್ದಾರೆ.