ಏಕದಿನ ಕ್ರಿಕೆಟ್ ನಲ್ಲಿ ನೂರು ವಿಕೆಟ್ ಸಾಧನೆ ಮಾಡೆದ ಯುಜುವೇಂದ್ರ ಚಾಹಲ್

Team Udayavani, Feb 6, 2022, 3:27 PM IST

ಅಹಮದಾಬಾದ್: ಭಾರತ ಕ್ರಿಕೆಟ್ ತಂಡದ 1000ನೇ ಪಂದ್ಯದಲ್ಲಿ ಸ್ಪಿನ್ನರ್ ಯುಜುವೇಂದ್ರ ಚಾಹಲ್ ಹೊಸ ಮೈಲಿಗಲ್ಲು ನೆಟ್ಟಿದ್ದಾರೆ. ವೆಸ್ಟ್ ಇಂಡೀಸ್ ವಿರುದ್ಧ ಅಹಮದಾಬಾದ್ ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಮೊದಲ ಏಕದಿನ ಪಂದ್ಯದಲ್ಲಿ ಚಾಹಲ್ ಅವರು ಏಕದಿನ ಕ್ರಿಕೆಟ್ ನಲ್ಲಿ ನೂರು ವಿಕೆಟ್ ಕಿತ್ತ ಸಾಧನೆ ಮಾಡಿದ್ದಾರೆ.

ವಿಂಡೀಸ್ ನ ನಿಕೋಲಸ್ ಪೂರನ್ ಅವರನ್ನು ಎಲ್ ಬಿ ಬಲೆಗೆ ಬೀಳಿಸಿದ ವೇಳೆ ಚಾಹಲ್ ಈ ಸಾಧನೆ ಮಾಡಿದರು. 60ನೇ ಏಕದಿನ ಪಂದ್ಯದಲ್ಲಿ ಚಾಹಲ್ ನೂರು ವಿಕೆಟ್ ಸಾಧನೆ ಮಾಡಿದರು. ಚಾಹಲ್ ಗಿಂತ ವೇಗವಾಗಿ ನೂರು ವಿಕೆಟ್ ಕಿತ್ತ ಸಾಧನೆ ಮಾಡಿದವರೆಂದರೆ ಮೊಹಮ್ಮದ್ ಶಮಿ ( 56 ಪಂದ್ಯ), ಬುಮ್ರಾ ( 57 ಪಂದ್ಯ), ಕುಲದೀಪ್ ಯಾದವ್ (58 ಪಂದ್ಯ), ಇರ್ಫಾನ್ ಪಠಾಣ್ (59 ಪಂದ್ಯ).

ಇದನ್ನೂ ಓದಿ:ವಿಂಡೀಸ್ ವಿರುದ್ಧ ಮೊದಲ ಏಕದಿನ: ಟಾಸ್ ಗೆದ್ದ ರೋಹಿತ್; ದೀಪಕ್ ಹೂಡಾ ಪದಾರ್ಪಣೆ

ವಿಶೇಷವೆಂದರೆ ಪೂರನ್ ವಿಕೆಟ್ ಪಡೆದ ಮುಂದಿನ ಎಸೆತದಲ್ಲಿ ಚಾಹಲ್ ಮತ್ತೊಂದು ವಿಕೆಟ್ ಕಿತ್ತರು. ವಿಂಡೀಸ್ ನಾಯಕ ಕೈರನ್ ಪೊಲಾರ್ಡ್ ಅವರು ಮೊದಲ ಎಸೆತಕ್ಕೆ ಬೌಲ್ಡ್ ಆದರು.

ತಂಡಗಳು:

ಭಾರತ: ರೋಹಿತ್ ಶರ್ಮಾ (ನಾ) ಇಶಾನ್ ಕಿಶನ್, ವಿರಾಟ್ ಕೊಹ್ಲಿ, ರಿಷಭ್ ಪಂತ್ (ವಿ.ಕೀ), ಸೂರ್ಯಕುಮಾರ್ ಯಾದವ್, ದೀಪಕ್ ಹೂಡಾ, ಶಾರ್ದೂಲ್ ಠಾಕೂರ್, ವಾಷಿಂಗ್ಟನ್ ಸುಂದರ್, ಯುಜುವೇಂದ್ರ ಚಾಹಲ್, ಪ್ರಸಿಧ್ ಕೃಷ್ಣ, ಮೊಹಮ್ಮದ್ ಸಿರಾಜ್.

ವೆಸ್ಟ್ ಇಂಡೀಸ್: ಬ್ರಾಂಡನ್ ಕಿಂಗ್, ಶಾಯ್ ಹೋಪ್, ಶಮರ್ ಬ್ರೂಕ್ಸ್, ಡ್ಯಾರೆನ್ ಬ್ರಾವೋ, ನಿಕೋಲಸ್ ಪೂರನ್ (ವಿ.ಕೀ), ಕೈರನ್ ಪೊಲಾರ್ಡ್ (ನಾ), ಜೇಸನ್ ಹೋಲ್ಡರ್, ಫ್ಯಾಬಿಯನ್ ಅಲೆನ್, ಅಲ್ಜಾರಿ ಜೋಸೆಫ್, ಕೆಮಾರ್ ರೋಚ್, ಅಕೇಲ್ ಹೊಸೈನ್.