ಪಾಕ್‌ ಕ್ರೀಡಾಪಟುಗಳಿಗೆ ವೀಸಾ: ಕೇಂದ್ರದೊಂದಿಗೆ ಐಒಎ ಚರ್ಚೆ

Team Udayavani, May 21, 2019, 6:00 AM IST

ಹೊಸದಿಲ್ಲಿ: ಈ ವರ್ಷ ಪುಲ್ವಾಮದಲ್ಲಿ ನಡೆದ ಭಯೋತ್ಪಾ ದಕ ದಾಳಿ ಅನಂತರ ಪಾಕಿಸ್ಥಾನದ ಆ್ಯತ್ಲೀಟ್‌ಗಳ ಭಾರತ ಪ್ರವೇಶಕ್ಕೆ ಅಡ್ಡಿಯಾಗಿದೆ. ಪಾಕ್‌ ಆ್ಯತ್ಲೀಟ್‌ಗಳಿಗೆ ಭಾರತ ಸರಕಾರ ವೀಸಾ ನೀಡದ ಪರಿಣಾಮ, ಈ ಹಿಂದೆ ಹೊಸದಿಲ್ಲಿಯಲ್ಲಿ ನಡೆದ ವಿಶ್ವಕಪ್‌ ಶೂಟಿಂಗ್‌ಗೆ ಒಲಿಂಪಿಕ್ಸ್‌ ಅರ್ಹತಾ ಕೂಟವೆಂಬ ಮಾನ್ಯತೆ ರದ್ದಾಗಿತ್ತು.

ಇದೀಗ ಪಾಕಿಸ್ಥಾನದ ಕ್ರೀಡಾಪಟುಗಳು ಭಾರತದಲ್ಲಿ ನಡೆ ಯುವ ಖೋ ಖೋಲೀಗ್‌ನಲ್ಲಿ ಪಾಲ್ಗೊಳ್ಳಲು ಆಸಕ್ತರಾಗಿದ್ದರೂ ವೀಸಾ ಸಮಸ್ಯೆ ಎದುರಾಗಿದೆ. ನೂತನ ಸರಕಾರ ಅಸ್ತಿತ್ವಕ್ಕೆ ಬಂದ ಕೂಡಲೇ ಮಾತುಕತೆ ನಡೆಸಿ ಸಮಸ್ಯೆಯನ್ನು ಬಗೆಹರಿಸಲಾ ಗುವುದು ಎಂದು ಭಾರತ ಒಲಿಂಪಿಕ್ಸ್‌ ಸಂಸ್ಥೆ (ಐಒಎ) ಕಾರ್ಯದರ್ಶಿ ರಾಜೀವ್‌ ಮೆಹ್ತಾ ತಿಳಿಸಿದ್ದಾರೆ.

ಖೋ ಖೋ ಲೀಗ್‌
ಪಾಕಿಸ್ಥಾನದ ನಾಲ್ಕೈದು ಮಂದಿ, ಈ ವರ್ಷ ನವೆಂಬರ್‌ನಲ್ಲಿ ನಡೆಯ ಲಿರುವ ಅಲ್ಟಿಮೇಟ್ ಖೋ ಖೋ ಲೀಗ್‌ನಲ್ಲಿ ಪಾಲ್ಗೊಳ್ಳುವ ಆಸಕ್ತಿ ಹೊಂದಿದ್ದಾರೆ. ಆದರೆ ವೀಸಾ ಸಮಸ್ಯೆಯಾಗಿದೆ.

ಕೇಂದ್ರದ ಈ ನಿಲುವಿನಿಂದ ಅಂತಾರಾಷ್ಟ್ರೀಯ ಒಲಿಂಪಿಕ್ಸ್‌ ಸಂಸ್ಥೆ (ಐಒಸಿ), ಭಾರತಕ್ಕೆ ಮುಂದೆ ವಿಶ್ವ ಮಟ್ಟದ ಕ್ರೀಡಾಕೂಟದ ಆತಿಥ್ಯ ನೀಡುವುದಿಲ್ಲವೆಂದು ತಿಳಿಸಿದೆ. ತನ್ನ ಅಧೀನದಲ್ಲಿ ಬರುವ ವಿವಿಧ ಸಂಸ್ಥೆಗಳಿಗೂ ಅದೇ ಸೂಚನೆ ನೀಡಿದೆ.