ವಿಡಿಯೋ: ನಾನೇ ವಿರಾಟ್ ಕೊಹ್ಲಿ ಎಂದ ಡೇವಿಡ್ ವಾರ್ನರ್ ಮಗಳು

Team Udayavani, Nov 10, 2019, 4:16 PM IST

ಸಿಡ್ನಿ: ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್ ಒಂದು ವರ್ಷದ ನಿಷೇಧ ಮುಗಿಸಿ ಬಂದು ಮತ್ತೆ ಅಬ್ಬರಿಸುತ್ತಿದ್ದಾರೆ. ಎದುರಾಳಿ ಬೌಲರ್ ಗಳ ಎಸೆತಗಳಿಗೆ ದಶದಿಕ್ಕುಗಳ ಪರಿಚಯ ಮಾಡಿಸುವ ಡೇವಿಡ್ ವಾರ್ನರ್ ಗೆ ಭಾರತದಲ್ಲೂ ಅಭಿಮಾನಿಗಳಿದ್ದಾರೆ. ಅಂದಹಾಗೆ ಸ್ಪೋಟಕ ಆಟಗಾರ ಡೆವಿಡ್ ವಾರ್ನರ್ ಮಗಳ ಇಷ್ಟದ ಆಟಗಾರ ಯಾರು ಗೊತ್ತಾ? ಅದು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ.

ಡೇವಿಡ್ ವಾರ್ನರ್ ಪತ್ನಿ ಕ್ಯಾಂಡೈಸ್ ವಾರ್ನರ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲೊಂದು ವಿಡಿಯೋ ಹಾಕಿದ್ದು ಭಾರಿ ವೈರಲ್ ಆಗಿದೆ. ಮಗಳು ಇವಿ ಮೇ ಕ್ರಿಕೆಟ್ ಆಡುತ್ತಾ ತುಂಬಾ ಮುದ್ದಾಗಿ ಐ ಯಾಮ್ ವಿರಾಟ್ ಕೊಹ್ಲಿ ( ನಾನು ವಿರಾಟ್ ಕೊಹ್ಲಿ) ಎನ್ನುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ.

ಈ ಸಣ್ಣ ಹುಡುಗಿ ಭಾರತದಲ್ಲಿ ತುಂಬಾ ಸಮಯ ಕಳೆದಿದ್ದಾಳೆ. ಹಾಗಾಗಿ ವಿರಾಟ್ ಕೊಹ್ಲಿ ಆಗಬೇಕೆಂದು ಬಯಸುತ್ತಾಳೆ ಎಂದು ಮಿಸೆಸ್ ವಾರ್ನರ್ ಬರೆದುಕೊಂಡಿದ್ದಾರೆ.

This little girl has spent too much time in India. Wants to be @imVkohli pic.twitter.com/Ozc0neN1Yv

— Candice Warner (@CandyFalzon) November 10, 2019