ವಾಕಿ -ಟಾಕಿ ಬಳಕೆ: ಕೊಹ್ಲಿಗೆ ICC ಕ್ಲೀನ್‌ ಚಿಟ್‌ 

Team Udayavani, Nov 2, 2017, 5:00 PM IST

ಹೊಸದಿಲ್ಲಿ: ಪ್ರವಾಸಿ ನ್ಯೂಜಿಲ್ಯಾಂಡ್‌ ವಿರುದ್ಧದ ಮೊದಟಿ-20 ಪಂದ್ಯದ ವೇಳೆ ಡಗೌಟ್‌ ನಲ್ಲಿ ಕುಳಿತು ವಾಕಿ ಟಾಕಿ ಬಳಕೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿ ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ಅವರಿಗೆ ಐಸಿಸಿ ಗುರುವಾರ ಕ್ಲೀನ್‌ ಚಿಟ್‌ ನೀಡಿದೆ. 

ಫಿರೋಜ್‌ ಶಾ ಕೊಟ್ಲಾ ದಲ್ಲಿ ಪಂದ್ಯ ನಡೆಯುತ್ತಿರುವಾಗಲೇ ವಾಕಿ ಟಾಕಿ ಬಳಸಿ ಪೆವಿಲಿಯನ್‌ನಲ್ಲಿದ್ದವರ ಸಂಪರ್ಕದಲ್ಲಿರುವ ದೃಶ್ಯಾವಳಿಗಳು ಟಿವಿಯಲ್ಲಿ ಬಿತ್ತರಗೊಂಡಿದ್ದವು.  ಕೊಹ್ಲಿ ಐಸಿಸಿ ನಿಯಮ ಉಲ್ಲಂಘನೆ ಮಾಡಿದ್ದಾರೆ ಎನ್ನಲಾಗಿತ್ತು.

ಈ ಬಗ್ಗೆ ಹೆಸರು ಹೇಳಲಿಚ್ಛಿಸದ ಐಸಿಸಿ ಅಧಿಕಾರಿಯೊಬ್ಬರು ಪ್ರತಿಕ್ರಿಯೆ ನೀಡಿದ್ದು,’ಕೊಹ್ಲಿ ಅವರು ನಿಯಮ ಉಲ್ಲಂಘನೆ ಮಾಡಿಲ್ಲ. ಅವರು ಅನುಮತಿ ಪಡೆದೇ ವಾಕಿ ಟಾಕಿ ಬಳಕೆ ಮಾಡಿದ್ದಾರೆ’ ಎಂದು ತಿಳಿಸಿದ್ದಾರೆ. 

ಐಸಿಸಿಯ ಭ್ರಷ್ಟಾಚಾರ ವಿರೋಧಿ  ಭದ್ರತಾ ಸಮಿತಿಯ ನಿಯಮದಂತೆ ಡ್ರೆಸ್ಸಿಂಗ್‌ ರೂಮ್‌ ಮತ್ತುಮೈದಾನದಲ್ಲಿ ಆಟಗಾರರು ಸೇರಿದಂತೆ ತಂಡದ ಇತರ ಸದಸ್ಯರು ಮೊಬೈಲ್‌ ಬಳಸುವಂತಿಲ್ಲ. ಬದಲಾಗಿ ವಾಕಿ ಟಾಕಿ ಬಳಸಲು ಅವಕಾಶ ನೀಡಲಾಗಿದೆ.