ಅಂದು ವಿಶ್ವಕಪ್ ಹೀರೋ, ಇಂದು ರಿಯಲ್ ಹೀರೋ: ಜೋಗಿಂದರ್ ಶರ್ಮಾರನ್ನು ಹೊಗಳಿದ ಐಸಿಸಿ

Team Udayavani, Mar 29, 2020, 12:20 PM IST

ಚಂಡೀಗಢ: 2007ರಲ್ಲಿ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದಲ್ಲಿ ಭಾರತ ಚೊಚ್ಚಲ ಟಿ20 ವಿಶ್ವಕಪ್ ಗೆಲ್ಲಲು ಕಾರಣವಾಗಿದ್ದು ಆಲ್ ರೌಂಡರ್ ಜೋಗಿಂದರ್ ಶರ್ಮಾ. ಈ ವಿಶ್ವಕಪ್ ನಂತರ ಕ್ರಿಕೆಟ್ ನಿಂದ ದೂರವಾಗಿದ್ದ ಜೋಗಿಂದರ್ ಶರ್ಮಾರನ್ನು ಈಗ ಐಸಿಸಿ ( ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ) ಹೊಗಳಿ ಟ್ವೀಟ್ ಮಾಡಿದೆ. ಕಾರಣ ಕೋವಿಡ್-19.

ಹೌದು. ಸದ್ಯ ಕ್ರಿಕೆಟ್ ನಿಂದ ದೂರವಾಗಿರುವ ಜೋಗಿಂದರ್ ಶರ್ಮಾ ಹರ್ಯಾಣದಲ್ಲಿ ಪೊಲೀಸ್ ಅಧಿಕಾರಿಯಾಗಿದ್ದಾರೆ. ಉಪ ವರಿಷ್ಠಾಧಿಕಾರಿಯಾಗಿರುವ ಶರ್ಮಾ ಸದ್ಯ ಕೋವಿಡ್-19 ಲಾಕ್ ಡೌನ್ ನಲ್ಲಿ ಕೆಲಸ ನಿರ್ವಹಿಸುತ್ತಿದ್ದಾರೆ.

ಜೋಗಿಂದರ್ ಶರ್ಮಾರ ಈ ಫೋಟೊವನ್ನು ತನ್ನ ಟ್ವೀಟರ್ ನಲ್ಲಿ ಅಪ್ಲೋಡ್ ಮಾಡಿರುವ ಐಸಿಸಿ, 2007ರ ವಿಶ್ವಕಪ್ ಹೀರೋ ಈಗ ರಿಯಲ್ ವಿಶ್ವದ ಹೀರೋ. ಈ ಜಾಗತಿಕ ಆರೋಗ್ಯ ಬಿಕ್ಕಟ್ಟಿನ ಸಮಯದಲ್ಲಿ ಭಾರತದ ಪೊಲೀಸ್ ಜೋಗಿಂದರ್ ಶರ್ಮಾ ಸೇವೆ ಮಾಡುತ್ತಿದ್ಧಾರೆ ಎಂದು ಬರೆದುಕೊಂಡಿದೆ.

2007: #T20WorldCup hero ?
2020: Real world hero ?

In his post-cricket career as a policeman, India’s Joginder Sharma is among those doing their bit amid a global health crisis.

[? Joginder Sharma] pic.twitter.com/2IAAyjX3Se

— ICC (@ICC) March 28, 2020

2007ರ ವಿಶ್ವಕಪ್ ಫೈನಲ್ ನಲ್ಲಿ ನಿರ್ಣಾಯಕ  ಅಂತಿಮ ಓವರ್ ಬಾಲ್ ಹಾಕಿದ್ದ ಶರ್ಮಾ ಮಿಸ್ಭಾ ಉಲ್ ಹಕ್ ವಿಕೆಟ್ ಪಡೆದು ಭಾರತ ಕಪ್ ಗೆಲ್ಲಲು ಕಾರಣವಾಗಿದ್ದರು.