ಟಿ20 ರ್‍ಯಾಂಕಿಂಗ್‌: ನಾಲ್ಕಕ್ಕೆ ನೆಗೆದ ವಿರಾಟ್‌ ಕೊಹ್ಲಿ

Team Udayavani, Sep 16, 2021, 12:12 AM IST

ದುಬಾೖ: ಬುಧವಾರ ಪರಿಷ್ಕರಿಸಲಾದ ಐಸಿಸಿ ಟಿ20 ಬ್ಯಾಟಿಂಗ್‌ ರ್‍ಯಾಂಕಿಂಗ್‌ನಲ್ಲಿ ಟೀಮ್‌ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ಒಂದು ಸ್ಥಾನ ಪ್ರಗತಿ ಸಾಧಿಸಿದ್ದಾರೆ.

ಐದರಿಂದ ನಾಲ್ಕನೇ ಸ್ಥಾನಕ್ಕೆ ಏರಿದ್ದಾರೆ. ನಾಲ್ಕರಲ್ಲಿದ್ದ ನ್ಯೂಜಿಲ್ಯಾಂಡಿನ ಡೇವನ್‌ ಕಾನ್ವೆ ಐದಕ್ಕೆ ಇಳಿದಿದ್ದಾರೆ.

ಇಂಗ್ಲೆಂಡಿನ ಡೇವಿಡ್‌ ಮಲಾನ್‌ ಅಗ್ರಸ್ಥಾನ ಕಾಯ್ದುಕೊಂಡಿದ್ದಾರೆ. ಅನಂತರದ ಸ್ಥಾನದಲ್ಲಿರುವವರು ಬಾಬರ್‌ ಆಜಂ, ಆರನ್‌ ಫಿಂಚ್‌. ಟಾಪ್‌-10 ಯಾದಿಯಲ್ಲಿರುವ ಭಾರತದ ಮತ್ತೂಬ್ಬ ಆಟಗಾರ ಕೆ.ಎಲ್‌. ರಾಹುಲ್‌. ಅವರು 6ನೇ ಸ್ಥಾನ ಉಳಿಸಿಕೊಂಡಿದ್ದಾರೆ.

ಶ್ರೀಲಂಕಾಕ್ಕೆ 3-0 ವೈಟ್‌ವಾಶ್‌ ಮಾಡಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದ ಕ್ವಿಂಟನ್‌ ಡಿ ಕಾಕ್‌ ಅಗ್ರ ಹತ್ತರ ಯಾದಿಗೆ ಬಂದಿದ್ದಾರೆ. 4 ಸ್ಥಾನ ನೆಗೆದ ಡಿ ಕಾಕ್‌ ಎಂಟನೇ ಸ್ಥಾನ ಅಲಂಕರಿಸಿದ್ದಾರೆ.