SAFF U-17 Championship: ಭಾರತ-ಬಾಂಗ್ಲಾ ಫೈನಲ್‌

Team Udayavani, Sep 28, 2024, 10:49 PM IST

ಥಿಂಪು (ಭೂತಾನ್‌): ನೇಪಾಲವನ್ನು 4-2 ಗೋಲುಗಳಿಂದ ಮಣಿಸಿದ ಭಾರತ 2024ರ ಸ್ಯಾಫ್ ಅಂಡರ್‌-17 ಫ‌ುಟ್‌ಬಾಲ್‌ ಪಂದ್ಯಾವಳಿಯ ಫೈನಲ್‌ ತಲುಪಿದೆ. ಪ್ರಶಸ್ತಿ ಕಾಳಗದಲ್ಲಿ ಭಾರತ-ಬಾಂಗ್ಲಾದೇಶ ಮುಖಾಮುಖೀ ಆಗಲಿವೆ.

ಶನಿವಾರದ ಸೆಮಿಫೈನಲ್‌ನ ಮೊದಲಾರ್ಧದ ಆಟದಲ್ಲಿ ಯಾವುದೇ ಗೋಲು ದಾಖಲಾಗಲಿಲ್ಲ. ಆದರೆ ದ್ವಿತೀಯಾರ್ಧದಲ್ಲಿ ಗೋಲುಗಳ ಸುರಿಮಳೆ ಆಯಿತು. ಅರ್ಧ ಡಜನ್‌ ಗೋಲು ಬಾರಿಸಲ್ಪಟ್ಟಿತು. ವಿಶಾಲ್‌ ಯಾದವ್‌ (61ನೇ, 68ನೇ ನಿಮಿಷ), ರಿಷಿ ಸಿಂಗ್‌ (85ನೇ ನಿಮಿಷ), ಹೆಮ್ನಿàಚುಂಗ್‌ ಲುಂಕಿಮ್‌ (90+ 5ನೇ ನಿಮಿಷ) ಭಾರತದ ಗೋಲುವೀರರಾಗಿದ್ದರು. ನೇಪಾಲ ಪರ ಒಂದು ಗೋಲನ್ನು ಸುಭಾಷ್‌ ಬಾಮ್‌ (81ನೇ ನಿಮಿಷ) ಹೊಡೆದರೆ, ಇನ್ನೊಂದು ಭಾರತದ ಮೊಹಮ್ಮದ್‌ ಕೈಫ್ ಅವರ ಸ್ವಗೋಲಿನ ಕೃಪೆ ಆಗಿತ್ತು (89ನೇ ನಿಮಿಷ).

ಬಾಂಗ್ಲಾ-ಪಾಕ್‌ ಪಂದ್ಯ ನಿಗದಿತ ಅವಧಿಯಲ್ಲಿ 2-2 ಗೋಲುಗಳಿಂದ ಸಮನಾ ಗಿತ್ತು. ಟೈಬ್ರೇಕರ್‌ನಲ್ಲಿ ಬಾಂಗ್ಲಾ 8-7 ಗೋಲುಗಳಿಂದ ಗೆದ್ದು ಫೈನಲ್‌ಗೆ ನೆಗೆಯಿತು.