ಎಎಫ್ಸಿ ಒಲಿಂಪಿಕ್‌ ಅರ್ಹತಾ ಕೂಟದಿಂದ ಹೊರಬಿದ್ದ ಭಾರತ

Team Udayavani, Apr 10, 2019, 6:30 AM IST

ಹೊಸದಿಲ್ಲಿ: ಆತಿಥೇಯ ಮ್ಯಾನ್ಮಾರ್‌ ವಿರುದ್ಧ ಪಂದ್ಯವನ್ನು 3-3ರಿಂದ ಡ್ರಾ ಮಾಡಿಕೊಂಡ ಭಾರ ತೀಯ ವನಿತಾ ಫ‌ುಟ್‌ಬಾಲ್‌ ತಂಡ “ಎಎಫ್ಸಿ ಒಲಿಂಪಿಕ್‌ ಅರ್ಹತಾ’ ಕೂಟದಿಂದ ಹೊರ ಬಿದ್ದಿದೆ.

ಗೋಲು ಅಂತರದಲ್ಲಿ ಮುನ್ನಡೆ ಯಲ್ಲಿದ್ದ ಮ್ಯಾನ್ಮಾರ್‌ ಈ ಕೂಟದ 3ನೇ ಸುತ್ತು ಪ್ರವೇಶಿಸಿತು. ಅತ್ಯಂತ ರೋಮಾಂಚಕಾರಿಯಾಗಿ ನಡೆದ ಪಂದ್ಯದಲ್ಲಿ ಎರಡೂ ತಂಡಗಳು ಅತ್ಯುತ್ತಮ ಪ್ರದರ್ಶನ ನೀಡಿದವು. ಆದರೆ ಭಾರತ ಕೂದಲೆಳೆಯ ಅಂತರದಲ್ಲಿ ಇತಿಹಾಸ ಸೃಷಿಸುವ ಅವಕಾಶವನ್ನು ತಪ್ಪಿಸಿಕೊಂಡಿತು.

ಹಿಂದಿನೆರಡು ಪಂದ್ಯಗಳಲ್ಲಿ ಭಾರತದ ವನಿತೆಯರು ಇಂಡೋ ನೇಶ್ಯ ವಿರುದ್ಧ 2-0 ಮತ್ತು ನೇಪಾಲ ವಿರುದ್ಧ 3-1 ಅಂತರದಿಂದ ಗೆದ್ದು ಮುಂದಿನ ಸುತ್ತಿನ ಪ್ರವೇಶವನ್ನು ತೆರೆದಿರಿಸಿತ್ತು. ಆದರೆ ಮ್ಯಾನ್ಮಾರ್‌ ವಿರುದ್ಧ ಗೆಲುವು ಸಾಧಿಸುವಲ್ಲಿ ವಿಫ‌ಲವಾದ ಭಾರತ ನಿರಾಸೆ ಅನುಭವಿಸಿತು. ಗೋಲು ಅಂತರದಲ್ಲಿ ಭಾರತಕ್ಕಿಂತ ಮುಂದಿದ್ದ ಮ್ಯಾನ್ಮಾರ್‌ (+8) ಸುಲಭವಾಗಿ ಮುಂದಿನ ಸುತ್ತಿಗೆ ಪ್ರವೇಶಿಸಿತು.