ಲಂಕಾ ತಂಡಕ್ಕೆ ಬಿಸಿಸಿಐ ಆಹ್ವಾನ

Team Udayavani, Nov 16, 2017, 8:00 AM IST

ನವದೆಹಲಿ: ಪ್ರಸಕ್ತ ವರ್ಷದ 19 ವರ್ಷದೊಳಗಿನ ಚಾಲೆಂಜರ್ ಟ್ರೋಫಿ ಕ್ರಿಕೆಟ್‌ ಕೂಟಕ್ಕೆ ಬಿಸಿಸಿಐ ಶ್ರೀಲಂಕಾ ತಂಡವನ್ನು ಆಹ್ವಾನಿಸಿದೆ. ಇದಕ್ಕೆ ಲಂಕಾ ಕ್ರಿಕೆಟ್‌ ಮಂಡಳಿ ಒಪ್ಪಿಗೆ ಸೂಚಿಸಿದೆ. ಚಾಲೆಂಜರ್ ಟ್ರೋಫಿಯಲ್ಲಿ ಇದೇ ಮೊದಲ ಬಾರಿಗೆ ವಿದೇಶಿ ತಂಡವನ್ನು ಆಹ್ವಾನಿಸಲಾಗಿದೆ.

2018ರಲ್ಲಿ ಅ-19 ವಿಶ್ವಕಪ್‌ ನ್ಯೂಜಿಲೆಂಡ್‌ನ‌ಲ್ಲಿ ನಡೆಯಲಿದೆ. ಹೀಗಾಗಿ ಲಂಕಾ ತಂಡವನ್ನು ಆಹ್ವಾನಿಸುತ್ತಿರುವುದಾಗಿ ಬಿಸಿಸಿಐ ತಿಳಿಸಿದೆ. ಕೂಟದಲ್ಲಿ ಒಟ್ಟು ನಾಲ್ಕು ತಂಡಗಳು ಪಾಲ್ಗೊಳ್ಳಲಿದ್ದು, ಪ್ರತಿ ತಂಡ ಲೀಗ್‌ನಲ್ಲಿ 3 ಪಂದ್ಯ ಆಡಲಿದೆ. ಅಗ್ರ ಸ್ಥಾನ ಪಡೆದ 2 ತಂಡ ಫೈನಲ್‌ ಪ್ರವೇಶಿಸಲಿವೆ. “ಎ’ ತಂಡವನ್ನು ಪೃಥ್ವಿ ಶಾ, “ಬಿ’ ತಂಡವನ್ನು ಹಿಮಾಂಶು ರಾಣಾ, “ಸಿ’ ತಂಡವನ್ನು ಅಭಿಷೇಕ್‌ ಶರ್ಮ ಮುನ್ನಡೆಸಲಿದ್ದಾರೆ.