ಏಷ್ಯಾ ಕಪ್‌ ಕ್ರಿಕೆಟ್‌: ಭಾರತ- ಪಾಕ್ ಪಂದ್ಯ​ಕ್ಕೆ ದಿನಗಣನೆ: ಆ. 15ರಿಂದ ಟಿಕೆಟ್‌ ಲಭ್ಯ

Team Udayavani, Aug 14, 2022, 7:30 PM IST

ದುಬಾೖ: ಬಹು ನಿರೀಕ್ಷೆಯ ಏಷ್ಯಾ ಕಪ್‌ ಕ್ರಿಕೆಟ್‌ ಪಂದ್ಯಾವಳಿಗೆ ಉಳಿದಿರುವುದು ಇನ್ನು ಕೆಲವು ದಿನಗಳು ಮಾತ್ರ. ಭಾರತ-ಪಾಕಿಸ್ಥಾನ ನಡುವಿನ ಆ. 28ರ ಹೈ ವೋಲ್ಟೇಜ್ ಮುಖಾಮುಖಿ ಈ ಕೂಟದ ಪ್ರಮುಖ ಆಕರ್ಷಣೆ.

ಎರಡೂ ಕಡೆಯ ವೀಕ್ಷಕರು ಈ ಪಂದ್ಯದ ರೋಮಾಂಚನವನ್ನು ಸವಿಯಲು ತುದಿಗಾಲಲ್ಲಿ ನಿಂತಿದ್ದಾರೆ. ಇವರೆಲ್ಲರ ಪಾಲಿಗೊಂದು ಸಿಹಿ ಸುದ್ದಿ ಲಭಿಸಿದೆ.

ಈ ಕೂಟದ ಟಿಕೆಟ್‌ ಮಾರಾಟ ಆ. 15ರಿಂದ ಆರಂಭವಾಗಲಿದೆ ಎಂದು ಏಷ್ಯನ್‌ ಕ್ರಿಕೆಟ್‌ ಕೌನ್ಸಿಲ್‌ (ಎಸಿಸಿ) ತಿಳಿಸಿದೆ.

ಇದನ್ನೂ ಓದಿ:ಸಚಿನ್ ಮೊದಲ ಅಂತಾರಾಷ್ಟ್ರೀಯ ಶತಕ ಬಾರಿಸಿ ಇಂದಿಗೆ 32 ವರ್ಷ

ಕೂಟದ ಮೊದಲ ಪಂದ್ಯ ಶ್ರೀಲಂಕಾ-ಅಫ್ಘಾನಿಸ್ಥಾನ ನಡುವೆ ಆ. 27ರಂದು ನಡೆಯಲಿದೆ. ಮರುದಿನವೇ ದುಬಾೖಯಲ್ಲಿ ಭಾರತ-ಪಾಕಿಸ್ಥಾನ ತಂಡಗಳು ಕಣಕ್ಕಿಳಿಯಲಿವೆ.

ಮೊದಲು ಆನ್‌ಲೈನ್‌ನಲ್ಲಿ ಟಿಕೆಟ್‌ ಖರೀದಿಗೆ ಅವಕಾಶ ಲಭಿಸಲಿದೆ. ಬಳಿಕ ಕೌಂಟರ್‌ ಸೇಲ್‌ ನಡೆಯಲಿದೆ ಎಂದು ಎಸಿಸಿ ತಿಳಿಸಿದೆ.