India vs England ಸೆಮಿ ಪಂದ್ಯ; ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಆಂಗ್ಲರು

Team Udayavani, Jun 27, 2024, 8:19 PM IST

ಗಯಾನಾ: ಇಲ್ಲಿನ ಪ್ರಾವಿಡೆನ್ಸ್ ಸ್ಟೇಡಿಯಂನಲ್ಲಿ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಟಿ 20 ವಿಶ್ವಕಪ್ ಸೆಮಿ ಫೈನಲ್ ಪಂದ್ಯದ ಟಾಸ್ ನಿರೀಕ್ಷೆಯಂತೆ ಮಳೆಯಿಂದಾಗಿ ವಿಳಂಬವಾಗಿದೆ. ಟಾಸ್ ಗೆದ್ದ ಇಂಗ್ಲೆಂಡ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದೆ.

ಭಾರತೀಯ ಕಾಲಮಾನ ರಾತ್ರಿ 7.30 ಕ್ಕೆ ಟಾಸ್ ಆಗಬೇಕಿತ್ತು, ಆದರೆ ಸಾಧ್ಯವಾಗಲಿಲ್ಲ. 8.30 ಕ್ಕೆ ಮತ್ತೆ ಪಿಚ್ ಪರಿಶೀಲನೆ ನಡೆಸಿ ಟಾಸ್ ಮಾಡಲಾಯಿತು.

ಮುನ್ಸೂಚನೆಯ ಪ್ರಕಾರ ಆಟದ ಪ್ರಾರಂಭದ ಸಮಯದಲ್ಲಿ ಮಳೆಯ ಸಾಧ್ಯತೆಯು ಶೇಕಡಾ 50 ಕ್ಕಿಂತ ಹೆಚ್ಚಿತ್ತು ಮತ್ತು ನಂತರದ ಹಂತದಲ್ಲಿ ಹವಾಮಾನವು ಸುಧಾರಿಸುವ ನಿರೀಕ್ಷೆಯಿದೆ. ಈ ಸೆಮಿಫೈನಲ್ ಪಂದ್ಯಕ್ಕೆ ಮೀಸಲು ದಿನವಿಲ್ಲ. ಮಳೆಯಿಂದಾಗಿ ವಿಳಂಬವಾದಲ್ಲಿ ಒಟ್ಟು 250 ನಿಮಿಷಗಳ ಹೆಚ್ಚುವರಿ ಸಮಯವನ್ನು ನಿಗದಿಪಡಿಸಲಾಗಿದೆ.

ಪಂದ್ಯ ಮಳೆಯಿಂದಾಗಿ ರದ್ದಾದಲ್ಲಿ ಸೂಪರ್ 8 ಹಂತದಲ್ಲಿ ಭಾರತ ತಂಡ ಉತ್ತಮ ಫಲಿತಾಂಶ ಹೊಂದಿರುವ ಆಧಾರದ ಮೇಲೆ ಫೈನಲ್‌ ಪ್ರವೇಶಿಸಲಿದೆ.