Women’s Junior Hockey Asia Cup: ದೀಪಿಕಾ ಹ್ಯಾಟ್ರಿಕ್‌ ಸಾಧನೆ

Team Udayavani, Dec 10, 2024, 12:50 AM IST

ಮಸ್ಕತ್‌: ವನಿತಾ ಜೂನಿಯರ್‌ ಏಷ್ಯಾ ಕಪ್‌ ಹಾಕಿ ಪಂದ್ಯಾವಳಿಯಲ್ಲಿ ಹಾಲಿ ಚಾಂಪಿಯನ್‌ ಭಾರತ ಸತತ 2ನೇ ಜಯ ಸಾಧಿಸಿದೆ.

ಸೋಮವಾರದ ಮುಖಾಮುಖಿಯಲ್ಲಿ ಮಲೇಷ್ಯಾವನ್ನು 5-0 ಅಂತರದಿಂದ ಕೆಡವಿದೆ. ದೀಪಿಕಾ ಅವರ ಹ್ಯಾಟ್ರಿಕ್‌ ಸಾಧನೆ ಭಾರತದ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿತು. ಅವರು 37, 39 ಹಾಗೂ 48ನೇ ನಿಮಿಷಗಳಲ್ಲಿ ಗೋಲು ಸಿಡಿಸಿದರು.

ಉಳಿದೆರಡು ಗೋಲುಗಳು ವೈಷ್ಣವಿ ಫಾಲ್ಕೆ ಮತ್ತು ಕನಿಕಾ ಅವರಿಂದ ದಾಖಲಾದವು. ಇದು ಮಲೇಷ್ಯಾ ವಿರುದ್ಧ ಭಾರತ ಸಾಧಿಸಿದ ಸತತ 3ನೇ ಗೆಲುವು. ಮೊದಲ ಪಂದ್ಯದಲ್ಲಿ ಭಾರತ ಬಾಂಗ್ಲಾವನ್ನು 13-1 ಅಂತರ ದಿಂದ ಉರುಳಿಸಿತ್ತು. ಚೀನ, ಭಾರತ 6 ಅಂಕ ಹೊಂದಿವೆ. ಆದರೆ ಗೋಲು ವ್ಯತ್ಯಾಸದಲ್ಲಿ ಭಾರತ 2ನೇ ಸ್ಥಾನಿಯಾಗಿದೆ.