ಸ್ಪೇನ್‌ ಹಾಕಿ ಸರಣಿ: ಭಾರತಕ್ಕೆ ಮೊದಲ ಜಯ

Team Udayavani, Jan 31, 2019, 12:30 AM IST

ಮರ್ಸಿಯ (ಸ್ಪೇನ್‌): ಸ್ಪೇನ್‌ ಪ್ರವಾಸದಲ್ಲಿ ಭಾರತದ ವನಿತಾ ಹಾಕಿ ತಂಡ ಗೆಲುವಿನ ಖಾತೆ ತೆರೆದಿದೆ. 3ನೇ ಪಂದ್ಯವನ್ನು 5-2 ಗೋಲುಗಳಿಂದ ತನ್ನದಾಗಿಸಿಕೊಂಡಿದೆ.ಮೊದಲ ಪಂದ್ಯವನ್ನು ಸೋತು, ಎರಡನೇ ಪಂದ್ಯವನ್ನು ಡ್ರಾ ಮಾಡಿಕೊಂಡಿದ್ದ ಭಾರತ, ಈ ಗೆಲುವಿನೊಂದಿಗೆ ಸರಣಿಯನ್ನು ಸಮಬಲಗೊಳಿಸಿದೆ. ಅಂತಿಮ ಪಂದ್ಯ ಗುರುವಾರ ನಡೆಯಲಿದೆ.

ಲಾಲ್ರೆಮಿÕಯಾಮಿ 2 (17ನೇ ಮತ್ತು 58ನೇ ನಿಮಿಷ), ನೇಹಾ ಗೋಯಲ್‌ (21ನೇ ನಿಮಿಷ), ನವನೀತ್‌ ಕೌರ್‌ (32ನೇ ನಿಮಿಷ) ಹಾಗೂ ನಾಯಕಿ ರಾಣಿ ರಾಮ್‌ಪಾಲ್‌ (51ನೇ ನಿಮಿಷ) ಅವರ ಗೋಲಿನ ನೆರವಿನಿಂದ ಭಾರತ ತಂಡ ಸ್ಪೇನ್‌ ವಿರುದ್ಧ ಸುಲಭ ಜಯ ಸಾಧಿಸಿತು.

ಆಕ್ರಮಣಕಾರಿ ಆಟ
ಮೊದಲ ಕ್ವಾರ್ಟರ್‌ನ 7ನೇ ನಿಮಿಷದಲ್ಲಿ ಬೆರ್ಟಾ ಬೊನಾಸ್ಟ್ರೆ ಗೋಲು ಹೊಡೆದು ಸ್ಪೇನ್‌ಗೆ ಮುನ್ನಡೆ ತಂದುಕೊಟ್ಟರು. ಇದರಿಂದ ಎಚ್ಚೆತ್ತುಕೊಂಡ ಭಾರತ ಆಕ್ರಮಣ ಆಟಕ್ಕೆ ಇಳಿಯಿತು. 17ನೇ ನಿಮಿಷದಲ್ಲಿ ಲಾಲ್ರೆಮಿಯಾಮಿ ಭಾರತಕ್ಕೆ ಮೊದಲ ಗೋಲಿನ ಕಾಣಿಕೆ ನೀಡಿದರು. ನಾಲ್ಕೇ ನಿಮಿಷಗಳ ಬಳಿಕ ನೇಹಾ ಮತ್ತೂಂದು ಗೋಲು ಹೊಡೆದು 2-1 ಮುನ್ನಡೆ ತಂದರು. ದ್ವಿತೀಯಾರ್ಧದ 32ನೇ ನಿಮಿಷದಲ್ಲಿ ನವನೀತ್‌ ಕೌರ್‌ ಅವರಿಂದ ಭಾರತಕ್ಕೆ 3ನೇ ಗೋಲು ದಾಖಲಾಯಿತು. ಇದಾದ ಮೂರೇ ನಿಮಿಷದಲ್ಲಿ ಬೆರ್ಟಾ ಮತ್ತೂಂದು ಗೋಲು ಹೊಡೆದು ಅಂತರವನ್ನು ತಗ್ಗಿಸಿರು.

ಕೊನೆಯ 10 ನಿಮಿಷಗಳ ಅವಧಿಯಲ್ಲಿ ಭಾರತ ಹೆಚ್ಚು ಆಕ್ರಮಣಕಾರಿಯಾಗಿ ಆಡಿತು. ನಾಯಕಿ ರಾಣಿ ರಾಮ್‌ಪಾಲ್‌ ಮತ್ತು ಲಾಲ್ರೆಮಿÕಯಾಮಿ 2 ಗೋಲು ಹೊಡೆದು ಮುನ್ನಡೆಯನ್ನು ವಿಸ್ತರಿಸಿದರು.