ರಾಕಿಂಗ್‌ ಸ್ಟಾರ್‌ ಯಶ್‌ ಭೇಟಿಯಾದ ಪೃಥ್ವಿ ಶಾ: ಫೋಟೋ ವೈರಲ್‌

Team Udayavani, Jan 14, 2019, 12:30 AM IST

ಬೆಂಗಳೂರು: ಖ್ಯಾತ ಕ್ರಿಕೆಟ್‌ ಸ್ಟಾರ್‌ ಪೃಥ್ವಿ ಶಾ ಈಗ ಕೆಜಿಎಫ್ ಸಿನಿಮಾದ ಹೀರೋ ಕನ್ನಡದ ಖ್ಯಾತ ನಟ ಯಶ್‌ ಅವರ ಅಪ್ಪಟ ಅಭಿಮಾನಿಯಾಗಿದ್ದಾರೆ. 

ವಿಶ್ವ ಮಟ್ಟದಲ್ಲಿ ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿರುವ ಟೀಂ ಇಂಡಿಯಾದ ಆಟಗಾರನೊಬ್ಬ ಯಶ್‌ ಅಭಿನಯಕ್ಕೆ ಫಿದಾ ಆಗಿರುವುದು ವಿಶೇಷ. ಇತ್ತೀಚೆಗೆ ಪೃಥ್ವಿ ಶಾ ಬೆಂಗಳೂರಿಗೆ ಆಗಮಿಸಿದ್ದರು. ಅದೇ ವೇಳೆ ಬೆಂಗಳೂರಿನ ಖಾಸಗಿ ಹೋಟೆಲ್‌ವೊಂದರಲ್ಲಿ ಯಶ್‌ ಕೂಡ ಇದ್ದರು. ಯಶ್‌ ಇರುವುದು ಗೊತ್ತಾಗುತ್ತಲೇ ಪೃಥ್ವಿ ಶಾ ಕೆಜಿಎಫ್ ಹೀರೋನನ್ನು ಭೇಟಿಯಾಗುವ ಇಂಗಿತ ವ್ಯಕ್ತಪಡಿಸಿದ್ದಾರೆ. 

ತಕ್ಷಣ ಭೇಟಿಗೆ ವ್ಯವಸ್ಥೆ ಮಾಡಲಾಗಿದೆ. ಬಳಿಕ ಇಬ್ಬರು ಪರಸ್ಪರ ಕೆಲವು ಹೊತ್ತು ಮಾತನಾಡಿದ್ದಾರೆ. ಈ ವೇಳೆ ಫೋಟೋ ಕೂಡ ತೆಗೆಸಿಕೊಂಡಿದ್ದಾರೆ. ಈ ಫೋಟೋಗಳು ಈಗ ಯಶ್‌ ಫ್ಯಾನ್ಸ್‌ ಕ್ಲಬ್‌ ಟ್ವೀಟರ್‌ನಲ್ಲಿ ಪ್ರಕಟಗೊಂಡಿವೆ. 

ಭಾರತ ತಂಡದ ಆಟಗಾರ, ಭಾರತ ಕಿರಿಯರ ವಿಶ್ವಕಪ್‌ ಗೆದ್ದುಕೊಟ್ಟ ನಾಯಕ ಪೃಥ್ವಿ ಶಾ ನಮ್ಮ ಯಶ್‌ ಅವರನ್ನು ಭೇಟಿಯಾದರು ಎಂದು ಪ್ರಕಟಣೆಯಲ್ಲಿ ಬರೆಯಲಾಗಿದೆ. ಪೃಥ್ವಿ ಶಾ ಇತ್ತೀಚೆಗೆ ಆಸ್ಟ್ರೇಲಿಯ ವಿರುದ್ಧ ನಡೆದ ಎರಡು ಟೆಸ್ಟ್‌ ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದರು. ಇದರಲ್ಲಿ ಒಂದು ಶತಕ, 1 ಅರ್ಧಶತಕ ಒಳಗೊಂಡಿದೆ.