ಹುತಾತ್ಮ ಯೋಧರಿಗೆ ಟೀಂ ಇಂಡಿಯಾ ಸ್ಪೆಷಲ್ ‘ಕ್ಯಾಪ್’ ಗೌರವ

Team Udayavani, Mar 8, 2019, 7:55 AM IST

ರಾಂಚಿ: ಪ್ರವಾಸಿ ಆಸೀಸ್ ವಿರುದ್ಧದ ಮೂರನೇ ಏಕದಿನ ಪಂದ್ಯ ಆಡಲಿಳಿದ ಭಾರತ ತಂಡ ಇತ್ತೀಚೆಗೆ ಪುಲ್ವಾಮಾ ದಾಳಿಯಲ್ಲಿ ಅಗಲಿದ ಭಾರತೀಯ ಯೋಧರಿಗೆ ವಿಶೇಷ ಗೌರವ ಸಲ್ಲಿಸಿದೆ. ಈ ಪಂದ್ಯದಲ್ಲಿ ವಿಶೇಷವಾಗಿ ವಿನ್ಯಾಸಗೊಳಿಸಿದ ‘ಆರ್ಮಿ ಕ್ಯಾಪ್’ ಧರಿಸಿ ಭಾರತ ತಂಡ ಆಡಲಿದೆ. 

ಟಾಸ್ ಗೆದ್ದು ಮಾತನಾಡಿದ ಭಾರತ ತಂಡದ ನಾಯಕ ಕೊಹ್ಲಿ, ನಾವು ಈ ಕ್ಯಾಪ್ ಮೂಲಕ ಭಾರತೀಯ ಯೋಧರಿಗೆ ವಿಶೇಷ ಗೌರವ ಸಲ್ಲಿಸುತ್ತೇವೆ. ಮತ್ತು ಈ ಪಂದ್ಯದ ಸಂಭಾವನೆಯನ್ನು ಪುಲ್ವಾಮಾ ದಾಳಿಯಲ್ಲಿ ಅಗಲಿದ ಕುಟುಂಬದವರಿಗೆ ನೀಡುತ್ತೇವೆ ಎಂದರು. 

ತನ್ನ ತವರು ನೆಲದಲ್ಲಿ ಆಡುತ್ತಿರುವ ಮಹೇಂದ್ರ ಸಿಗ್ ಧೋನಿ ಎಲ್ಲಾ ಆಟಗಾರರಿಗೆ ಈ ಕ್ಯಾಪ್ ನೀಡಿದರು. 

#TeamIndia will be sporting camouflage caps today as mark of tribute to the loss of lives in Pulwama terror attack and the armed forces

And to encourage countrymen to donate to the National Defence Fund for taking care of the education of the dependents of the martyrs #JaiHind pic.twitter.com/fvFxHG20vi

— BCCI (@BCCI) March 8, 2019

ಟಾಸ್ ಗೆದ್ದ ಭಾರತ ಫೀಲ್ಡಿಂಗ್ ಆಯ್ಕೆ ಮಾಡಿದೆ. ಭಾರತ ತಂಡ ಈ ಪಂದ್ಯಕ್ಕೆ ಯಾವುದೇ ಬದಲಾವಣೆ ಮಾಡಿಲ್ಲ. ಕಳೆದ ಪಂದ್ಯದಲ್ಲಿ ಆಡಿದ ತಂಡವನ್ನೇ ಕಣಕ್ಕಿಳಿಸಿದೆ. ಆಸೀಸ್ ಒಂದು ಬದಲಾವಣೆ ಮಾಡಿಕೊಂಡಿದೆ. ನಥನ್ ಕೌಲ್ಟರ್ ನೈಲ್ ಬದಲಿಗೆ ಜೇ ರಿಚರ್ಡ್ಸನ್ ತಂಡದಲ್ಲಿ ಅವಕಾಶ ಪಡೆದಿದ್ದಾರೆ.