ಮೊಹಾಲಿ ಅಂಗಳದಲ್ಲಿ ‘ಜಡೇಜಾ’ ಜಬರ್ದಸ್ತ್ ಶತಕ; ಅರ್ಧಶತಕ ಸಿಡಿಸಿದ ಅಶ್ವಿನ್

Team Udayavani, Mar 5, 2022, 11:26 AM IST

ಮೊಹಾಲಿ: ಪ್ರವಾಸಿ ಶ್ರೀಲಂಕಾ ವಿರುದ್ಧದ ಟೆಸ್ಟ್ ಸರಣಿಯ ಮೊದಲ ಪಂದ್ಯದ ಎರಡನೇ ದಿನದಾಟದಲ್ಲಿ ಆಲ್ ರೌಂಡರ್ ರವೀಂದ್ರ ಜಡೇಜಾ ಶತಕ ಸಿಡಿಸಿ ಮಿಂಚಿದ್ದಾರೆ. ಟೆಸ್ಟ್ ವೃತ್ತಿ ಜೀವನದ ಎರಡನೇ ಶತಕ ಬಾರಿಸಿದ ರವೀಂದ್ರ ಜಡೇಜಾ ತಮ್ಮ ಖಡ್ಗ ಶೈಲಿಯಲ್ಲಿ ಸಂಭ್ರಮಿಸಿದರು.

ಮೊದಲ ದಿನದಾಟದ ಅಂತ್ಯಕ್ಕೆ 45 ರನ್ ಗಳಿಸಿ ಅಜೇಯರಾಗುಳಿದಿದ್ದ ರವೀಂದ್ರ ಜಡೇಜಾ ಇಂದು ವೇಗವಾಗಿಯೇ ಬ್ಯಾಟ್ ಬೀಸಿದರು. 160 ಎಸೆತಗಳಲ್ಲಿ ಶತಕ ಪೂರೈಸಿದ ಜಡೇಜಾ 10 ಬೌಂಡರಿ ಬಾರಿಸಿದರು.

ಇದನ್ನೂ ಓದಿ:ನರಮೇಧಕ್ಕೆ ಕಾಯುತ್ತಿದೆಯೇ ಝೇಪೊರ್‌ಝಿಯಾ… ಚೆರ್ನೋಬಿಲ್ ಗಿಂತ 10 ಪಟ್ಟು ದೊಡ್ಡ ದುರಂತ?

ಆರು ವಿಕೆಟ್ ಗೆ 357 ರನ್ ಗಳಿಸಿದ್ದಲ್ಲಿಂದ ಎರಡನೇ ದಿನದಾಟ ಆರಂಭಿಸಿದ ಭಾರತಕ್ಕೆ ಜಡೇಜಾ ಮತ್ತು ಅಶ್ವಿನ್ ಉತ್ತಮ ಜೊತೆಯಾಟದ ಕಾಣಿಕೆ ನೀಡಿದರು. ಏಳನೇ ವಿಕೆಟ್ ಗೆ ಈ ಇಬ್ಬರು ಆಲ್ ರೌಂಡರ್ ಗಳು 130 ರನ್ ಜೊತೆಯಾಟವಾಡಿದರು. ಆಕರ್ಷಕ ಬೌಂಡರಿಗಳಿಂದ ಗಮನ ಸೆಳೆದ ರವಿಚಂದ್ರನ್ ಅಶ್ವಿನ್ 61 ರನ್ ಗಳಿಸಿ ಲಕ್ಮಲ್ ಎಸೆತದಲ್ಲಿ ಔಟಾದರು.

ರವೀಂದ್ರ ಜಡೇಜಾ ಶತಕದ ವೇಳೆ ಭಾರತ ತಂಡ ಏಳು ವಿಕೆಟ್ ನಷ್ಟಕ್ಕೆ 463 ರನ್ ಗಳಿಸಿದೆ.