ಉದ್ದೀಪನ ಪರೀಕ್ಷೆಯಲ್ಲೇ ಎಡವಟ್ಟು: ಸಂಜಿತಾ ಪಾರು?

Team Udayavani, Jul 27, 2018, 6:20 AM IST

ನವದೆಹಲಿ: ಉದ್ದೀಪನ ಮದ್ದು ಸೇವನೆ ಪ್ರಕರಣದಲ್ಲಿ ಸಿಲುಕಿರುವ ಕಾಮನ್‌ವೆಲ್ತ್‌ ಚಿನ್ನದ ಪದಕ ವಿಜೇತೆ ಮಹಿಳಾ
ವೇಟ್‌ಲಿಫ್ಟರ್‌ ಸಂಜಿತಾ ಚಾನು ಪ್ರಕರಣಕ್ಕೆ ಈಗ ಹೊಸದೊಂದು ತಿರುವು ಸಿಕ್ಕಿದೆ. 

ಐಡಬ್ಲ್ಯೂಎಫ್ (ಅಂತಾರಾಷ್ಟ್ರೀಯ ವೇಟ್‌ ಲಿಫ್ಟಿಂಗ್ ಒಕ್ಕೂಟ) ಅಧಿಕಾರಿ ತಪ್ಪಿನಿಂದಾಗಿ ಸಂಜಿತಾ ಚಾನು ತನ್ನದಲ್ಲದ ತಪ್ಪಿಗೆ ಶಿಕ್ಷೆ
ಅನುಭವಿಸಿದ್ದಾರೆ ಎನ್ನುವ ಸುದ್ದಿ ಹೊರಬಿದ್ದಿದೆ. ಈ ಬೆನ್ನಲ್ಲೇ ಸಂಜಿತಾ ಚಾನು ಪ್ರಕರಣದಲ್ಲಿ ನನ್ನನ್ನು ಅನ್ಯಾಯವಾಗಿ ಸಿಲುಕಿಸಲಾಗಿದ್ದು ಹೆಚ್ಚಿನ ತನಿಖೆ ನಡೆಸಿ ಸತ್ಯಾಸತ್ಯತೆ ಬಯಲಿಗೆ ತರಬೇಕು ಎಂದು ಒತ್ತಾಯಿಸಿದ್ದಾರೆ. ಸಂಜಿತಾ ಅವರನ್ನು ಪರೀಕ್ಷಿಸಿದ ಮಾದರಿಯಲ್ಲಿ ವ್ಯತ್ಯಾಸವಾಗಿದ್ದು, ತೆಗೆದುಕೊಂಡಿದ್ದು ಒಂದು ಮಾದರಿ, ಬಳಿಕ ಫ‌ಲಿತಾಂಶ ಪ್ರಕಟಿಸಿದ್ದು ಮತ್ತೂಂದು ಮಾದರಿಯಿಂದ ಎನ್ನಲಾಗಿದೆ. ಈ ಬಗ್ಗೆ ತನಿಖೆ ಆರಂಭವಾಗಿದೆ. ಸಂಜಿತಾರದ್ದು ತಪ್ಪಲ್ಲ ಎನ್ನುವುದು ಸಾಬೀತಾದರೆ ಆರೋಪದಿಂದ ಹೊರಬರಲಿದ್ದಾರೆ.