ಇಂದು ಟೀಮ್‌ ಇಂಡಿಯಾ ಕ್ರಿಕೆಟ್‌ ಕೋಚ್‌ ಸಂದರ್ಶನ

Team Udayavani, Aug 16, 2019, 5:57 AM IST

ಮುಂಬಯಿ: ಕ್ರಿಕೆಟ್‌ ದಿಗ್ಗಜ ಕಪಿಲ್‌ ದೇವ್‌ ಒಳಗೊಂಡ ತ್ರಿಸದಸ್ಯ ಕ್ರಿಕೆಟ್‌ ಸಲಹೆ ಸಮಿತಿ (ಸಿಎಸಿ) ಭಾರತೀಯ ಕ್ರಿಕೆಟ್‌ ಕೋಚ್‌ ಸ್ಥಾನಕ್ಕೆ ಕಿರುಪಟ್ಟಿಯಲ್ಲಿ ಹೆಸರಿಸಲಾಗಿರುವ 6 ಮಂದಿ ಮಾಜಿ ಕ್ರಿಕೆಟಿಗರನ್ನು ಶುಕ್ರವಾರ ಸಂದರ್ಶನ ನಡೆಸಲಿದೆ.

ಹಾಲಿ ಕೋಚ್‌ ರವಿ ಶಾಸ್ತ್ರಿ, ಆಸ್ಟ್ರೇಲಿಯದ ಟಾಮ್‌ ಮೂಡಿ, ನ್ಯೂಜಿಲ್ಯಾಂಡಿನ ಮಾಜಿ ಕ್ರಿಕೆಟಿಗ ಮೈಕ್‌ ಹೆಸನ್‌, ಭಾರತ ಮಾಜಿ ಕ್ರಿಕೆಟಿಗ ಲಾಲ್‌ಚಂದ್‌ ರಜಪೂತ್‌, ಮುಂಬೈ ಇಂಡಿಯನ್ಸ್‌ ಮಾಜಿ ಕೋಚ್‌ ರಾಬಿನ್‌ ಸಿಂಗ್‌, ವೆಸ್ಟ್‌ ಇಂಡೀಸ್‌ನ ಫಿಲ್‌ ಸಿಮನ್ಸ್‌ ಹೆಸರು ಕಿರುಪಟ್ಟಿಯಲ್ಲಿದೆ.

ವೀಡಿಯೋ ಕಾಲ್‌
ಇವರಲ್ಲಿ ಕೆಲವರ ಸಂದರ್ಶನ ವೀಡಿಯೋ ಕಾಲ್‌ ಮತ್ತು ಸ್ಕೈಪ್‌ ಮೂಲಕ ನಡೆಯಲಿದೆ. ರವಿ ಶಾಸ್ತ್ರಿ ಸದ್ಯ ವೆಸ್ಟ್‌ ಇಂಡೀಸ್‌ನಲ್ಲಿರುವುದರಿಂದ ಇವರು ಸಂದರ್ಶನಕ್ಕೆ ಹಾಜರಾಗುವುದಿಲ್ಲ.

ಸಿಎಸಿಯಲ್ಲಿರುವ ಉಳಿದಿಬ್ಬರು ಸದಸ್ಯರೆಂದರೆ, ಕರ್ನಾಟಕದ ಮಾಜಿ ಆಟಗಾರ್ತಿ ಶಾಂತಾ ರಂಗಸ್ವಾಮಿ ಮತ್ತೂಬ್ಬರು ಮಾಜಿ ಆರಂಭಕಾರ ಅಂಶುಮಾನ್‌ ಗಾಯಕ್ವಾಡ್‌.

ಸದ್ಯ ರವಿ ಶಾಸ್ತ್ರಿ ಹೆಸರು ದೊಡ್ಡದಾಗಿ ಕೇಳಿ ಬರುತ್ತಿದೆ. ಇವರನ್ನೇ ಕೋಚ್‌ ಆಗಿ ನೇಮಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ. ಟೀಮ್‌ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ಕೂಡ ರವಿ ಶಾಸ್ತ್ರಿ ಬಗ್ಗೆ ಒಲವು ಹೊಂದಿರುವುದು ರಹಸ್ಯವೇನಲ್ಲ.