ಡೆಲ್ಲಿಗೆ ಇಂದು ಮುಂಬೈ ಎದುರಾಳಿ; ಮತ್ತೂಂದು ಅಗ್ನಿ ಪರೀಕ್ಷೆ

Team Udayavani, May 6, 2017, 4:19 PM IST

ನವದೆಹಲಿ: ಸತತ ಸೋಲಿನ ಬಳಿಕ ಭರ್ಜರಿ ಚೇತರಿಕೆ ಕಂಡುಕೊಂಡ ಡೆಲ್ಲಿ ಡೇರ್‌ಡೆವಿಲ್ಸ್‌ ಶನಿವಾರದ ಪಂದ್ಯದಲ್ಲಿ ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿರುವ ಮುಂಬೈ ಇಂಡಿಯನ್ಸ್‌ ಸವಾಲನ್ನು ಎದುರಿಸಲು ಸಜ್ಜಾಗಿದೆ.

ಡೆಲ್ಲಿಗೆ ಯುವಶಕ್ತಿಯ ಬಲ: ಕೂಟವನ್ನು ಗೆಲುವಿನೊಂದಿಗೆ ಶುಭಾರಂಭ ಮಾಡಿದ ಡೆಲ್ಲಿ ಮಧ್ಯಂತರದಲ್ಲಿ ಸತತ 5 ಪಂದ್ಯಗಳಲ್ಲಿ ಸೋತು ಆಘಾತಕ್ಕೆ ತುತ್ತಾಗಿತ್ತು. ಆದರೆ ಹೈದರಾಬಾದ್‌ ನೀಡಿದ 186 ರನ್‌ ಮತ್ತು ಗುಜರಾತ್‌ ನೀಡಿದ 209 ರನ್‌ ಗುರಿಯನ್ನು ಸುಲಭವಾಗಿ ಚೇಸ್‌ ಮಾಡಿದೆ. ಪಂತ್‌, ಸಂಜು ಭರ್ಜರಿ ಬ್ಯಾಟಿಂಗ್‌ ಪ್ರದರ್ಶಿಸುತ್ತಿರುವುದು ತಂಡಕ್ಕೆ ಹುಮ್ಮಸ್ಸು ತಂದಿದೆ.

ಮುಂಬೈಗೆ ಗೆಲುವಿನ ವಿಶ್ವಾಸ: ಈ ಐಪಿಎಲ್‌ ಆವೃತ್ತಿಯಲ್ಲಿ ಅತಿ ಹೆಚ್ಚು ಗೆಲುವು ದಾಖಲಿಸಿರುವ ತಂಡ ಮುಂಬೈ ಆಗಿದೆ. ಬ್ಯಾಟಿಂಗ್‌ ವಿಭಾಗದಲ್ಲಿ ರೋಹಿತ್‌ ಶರ್ಮಾ, ನಿತೀಶ್‌ ರಾಣಾ, ಪೊಲಾರ್ಡ್‌ ಅತ್ಯುತ್ತಮ ಪ್ರದರ್ಶನ ನೀಡುತ್ತಿದ್ದಾರೆ.