ಧೋನಿ -ಪರಾಗ್‌: ಒಂದು ಚಿತ್ರದ ಸ್ವಾರಸ್ಯ

Team Udayavani, Apr 16, 2019, 9:53 AM IST

ಚೆನ್ನೈ: ಹನ್ನೊಂದು ವರ್ಷಗಳ ಹಿಂದಿನ ಕತೆ. ಅಂದು ಅಭಿಮಾನಿ ಬಾಲಕನೊಬ್ಬ ಧೋನಿ ಜತೆ ಫೋಟೋ ಕ್ಲಿಕ್ಕಿಸಿಕೊಂಡು ಸಂಭ್ರಮಿಸಿದ್ದ. ಇಂದು ಅದೇ ಹುಡುಗ ಧೋನಿ ನಾಯಕತ್ವದ ಚೆನ್ನೈ ಸೂಪರ್‌ ಕಿಂಗ್ಸ್‌ ವಿರುದ್ಧ ಆಡುವ ಮೂಲಕ ಐಪಿಎಲ್‌ನಲ್ಲಿ ಪದಾರ್ಪಣೆ ಮಾಡಿದ್ದಾನೆ. ಹೆಸರು ರಿಯಾನ್‌ ಪರಾಗ್‌. ವಯಸ್ಸು 17 ವರ್ಷ. ರಾಜಸ್ಥಾನ್‌ ರಾಯಲ್ಸ್‌ ತಂಡದ ಆಟಗಾರ.

ಚೆನ್ನೈ ವಿರುದ್ಧ ಎ. 13ರಂದು ನಡೆದ ಪಂದ್ಯದಲ್ಲಿ ಪರಾಗ್‌ ಆಡಿದ್ದರು. ವಿಶೇಷವೆಂದರೆ, ರಿಯಾನ್‌ 16 ರನ್‌ ಗಳಿಸಿದ್ದಾಗ ಧೋನಿಯೇ ವಿಕೆಟ್‌ ಹಿಂದೆ ಕ್ಯಾಚ್‌ ಪಡೆಯುವ ಮೂಲಕ ಪೆವಿಲಿಯನ್‌ ದಾರಿ ತೋರಿಸಿದ್ದರು.
ರಿಯಾನ್‌ ಪರಾಗ್‌ 2007ರಲ್ಲಿ ಗುವಾಹಟಿಯಲ್ಲಿ ಪಾಕಿಸ್ಥಾನದ ವಿರುದ್ಧದ ಪಂದ್ಯದ ವೇಳೆ ಧೋನಿ ಜತೆ ಫೋಟೋ ತೆಗೆಸಿಕೊಂಡಿದ್ದರು. ಆಗ ರಿಯಾನ್‌ಗೆ ಕೇವಲ 3 ವರ್ಷದ ಬಾಲಕನಾಗಿದ್ದ. ಧೋನಿ ಜತೆಗೆ ರಿಯಾನ್‌ ತೆಗೆಸಿಕೊಂಡಿದ್ದ ಅಂದಿನ ಫೋಟೋ ವೈರಲ್‌ ಆಗಿದೆ.