ಟೀವಿ ವೀಕ್ಷಣೆಯಲ್ಲೂ ದಾಖಲೆ ಬರೆದ ಈ ಬಾರಿಯ ಐಪಿಎಲ್‌

Team Udayavani, Nov 22, 2020, 10:32 AM IST

ಮುಂಬಯಿ: ಕೋವಿಡ್-19 ಒಡ್ಡಿದ ಸವಾಲಿನ ನಡುವೆಯೇ ಬಿಸಿಸಿಐ ಯಶಸ್ವಿಯಾಗಿ ಐಪಿಎಲ್‌ನ 13ನೇ ಆವೃತ್ತಿಯನ್ನು ಮುಗಿಸಿದೆ. ಇದಕ್ಕೆ ಎದುರಾಗಿದ್ದ ಸಮಸ್ಯೆಗಳನ್ನು ಪರಿಗಣಿಸಿದರೆ, ಹಿಂದಿನೆಲ್ಲ ಕೂಟಗಳಿಗಿಂತ ಇದು ಅತ್ಯಂತ ಯಶಸ್ವಿ ಎನ್ನಬಹುದು. ಇದಕ್ಕೆ ತಕ್ಕಂತೆ ಟೀವಿ ವೀಕ್ಷಣೆ ಪ್ರಮಾಣದಲ್ಲೂ ಈ ಬಾರಿಯ ಐಪಿಎಲ್‌ ದಾಖಲೆ ನಿರ್ಮಿಸಿದೆ.

400 ಶತಕೋಟಿ ವೀಕ್ಷಣೆಯ ನಿಮಿಷಗಳನ್ನು ದಾಖಲಿಸಿದ ಮೊದಲ ಕೂಟವೆಂಬುದು ಈ ಬಾರಿಯ ಐಪಿಎಲ್‌ ಹೆಗ್ಗಳಿಕೆಯಾಗಿದೆ.

2019ರ ಏಕದಿನ ವಿಶ್ವಕಪ್‌ ವೇಳೆ ದಾಖಲಾಗಿದ್ದ 344 ಶತಕೋಟಿ ವೀಕ್ಷಣೆಯ ನಿಮಿಷ ಹಿಂದಿನ ದಾಖಲೆಯಾಗಿತ್ತು. ವೀಕ್ಷಕರ ಸಂಖ್ಯೆಯನ್ನು ಪರಿಗಣಿಸುವುದಾದರೆ 40.5 ಕೋಟಿ ಮಂದಿ ಟೀವಿಯಲ್ಲಿ ಐಪಿಎಲ್‌ ಪಂದ್ಯಗಳನ್ನು ನೋಡಿದ್ದಾರೆ ಎಂದು ಬಾರ್ಕ್‌ ಮಾಹಿತಿ ನೀಡಿದೆ.

ಇದನ್ನೂ ಓದಿ:ಈ ಬೌಲರ್ ಐಪಿಎಲ್ ನ ನಿಜವಾದ ಹೀರೋ: ಕಪಿಲ್ ದೇವ್

ಈ ವರ್ಷ ವೀಕ್ಷಕರು ಸರಾಸರಿ 42 ನಿಮಿಷಕ್ಕಿಂತ ಹೆಚ್ಚು ಸಮಯ ಐಪಿಎಲ್‌ ಪಂದ್ಯಗಳನ್ನು ವೀಕ್ಷಿಸಿದ್ದಾರೆ. ಒಟ್ಟು 21 ಚಾನೆಲ್ ಗಳಲ್ಲಿ ಐಪಿಎಲ್ ಪ್ರಸಾರವಾಗಿದ್ದು, ವೀಕ್ಷಕರ ಸಂಖ್ಯೆಯಲ್ಲಿ 23% ದಷ್ಟು ಏರಿಕೆಯಾಗಿದೆ.