ಐಪಿಎಲ್‌ನಲ್ಲಿ ಅಡಗಿದೆ ಧೋನಿ ಭವಿಷ್ಯ: ಜೋನ್ಸ್

Team Udayavani, Jul 26, 2020, 7:02 PM IST

ಹೊಸದಿಲ್ಲ: ಮಹೇಂದ್ರ ಸಿಂಗ್‌ ಧೋನಿ ಅವರ ಕ್ರಿಕೆಟ್‌ ಭವಿಷ್ಯ ಈ ವರ್ಷದ ಐಪಿಎಲ್‌ ಪಂದ್ಯಾವಳಿಯ ಸಾಧನೆಯನ್ನು ಅವಲಂಬಿಸಿದೆ ಎಂದು ಆಸ್ಟ್ರೇಲಿಯದ ಮಾಜಿ ಆಟಗಾರ ಡೀನ್‌ ಜೋನ್ಸ್‌ ಅಭಿಪ್ರಾಯಪಟ್ಟಿದ್ದಾರೆ.

ಇಲ್ಲಿ ಚೆನ್ನಾಗಿ ಆಡಿದರೆ ಧೋನಿ ಭಾರತ ತಂಡಕ್ಕೆ ಮರಳಬಹುದು, ಇಲ್ಲವಾದರೆ ಅವರ ಕ್ರಿಕೆಟ್‌ ಜೀವನ ಕೊನೆಗೊಳ್ಳಲಿದೆ ಎಂದಿದ್ದಾರೆ.

‘ಆಯ್ಕೆಗಾರರು ಈಗಾಗಲೇ ರಿಷಭ್‌ ಪಂತ್‌, ಕೆ.ಎಲ್‌. ರಾಹುಲ್‌ ಅವರಿಗೆ ಬದಲಿ ಕೀಪರ್‌ ಜವಾಬ್ದಾರಿ ವಹಿಸಿದ್ದಾರೆ. ಹೀಗಾಗಿ ಮುಂಬರುವ ಐಪಿಎಲ್‌ನಲ್ಲಿ ಧೋನಿ ಅದ್ಭುತ ಎನಿಸುವಂಥ ಪ್ರದರ್ಶನ ನೀಡಬೇಕು.

ಆಗಷ್ಟೇ ಅವರಿಗೆ ಭಾರತ ತಂಡಕ್ಕೆ ಮರಳುವ ಅವಕಾಶವೊಂದು ಎದುರಾಗಲಿದೆ. ಇಲ್ಲವಾದರೆ ಅವರ ಕ್ರಿಕೆಟ್‌ ಬಾಳ್ವೆ ಮುಗಿಯಲಿದೆ. ಈವರೆಗೆ ಅವರು ಪಡೆದ ಬ್ರೇಕ್‌ ಐಪಿಎಲ್‌ ವೇಳೆ ನೆರವಿಗೆ ಬರಬೇಕಿದೆ’ ಎಂದು ಜೋನ್ಸ್‌ ಹೇಳಿದರು.