ಐಪಿಎಲ್‌: ಪ್ರಸಾರಕರ ಅಸಮಾಧಾನ?

Team Udayavani, Jul 21, 2020, 8:50 AM IST

ಹೊಸದಿಲ್ಲಿ: ಈ ವರ್ಷದ ಐಪಿಎಲ್‌ ಪಂದ್ಯಾವಳಿಯ ಸಂಭಾವ್ಯ ದಿನಾಂಕವೊಂದು ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ವಿಶ್ವದ ಈ ಶ್ರೀಮಂತ ಕ್ರಿಕೆಟ್‌ ಲೀಗ್‌ ಸೆ. 26ರಿಂದ ನ. 8ರ ತನಕ 44 ದಿನಗಳ ಕಾಲ ಯುಎಇಯಲ್ಲಿ ನಡೆಯಲಿದೆ ಎನ್ನಲಾಗಿದೆ. ಆದರೆ ಈ ದಿನಾಂಕದ ಕುರಿತು ಸ್ಟಾರ್‌ ನ್ಪೋರ್ಟ್ಸ್ ಅಸಮಾಧಾನಗೊಂಡಿದೆ ಎಂದು ತಿಳಿದು ಬಂದಿದೆ.

ಐಪಿಎಲ್‌ ಪಂದ್ಯಾವಳಿಯನ್ನು ನ. 8ಕ್ಕೆ ಕೊನೆಗೊಳಿಸುವ ಬದಲು ಇನ್ನೂ ಒಂದು ವಾರ ಮುಂದುವರಿಸಿ ನ. 14ರ ತನಕ ನಡೆಸಬೇಕು ಎಂಬುದು ಸ್ಟಾರ್‌ ನ್ಪೋರ್ಟ್ಸ್ ಕೋರಿಕೆಯಾಗಿದೆ. ಇದಕ್ಕೆ ಕಾರಣ, ದೀಪಾವಳಿ. ಈ ವರ್ಷದ ಬೆಳಕಿನ ಹಬ್ಬ ನ. 14ಕ್ಕೆ ಬರಲಿದ್ದು, ಅಂದು ಶನಿವಾರ ಆಗಿರುತ್ತದೆ. ವಾರಾಂತ್ಯ ಹಾಗೂ ಇದರ ಹಿಂದಿನ ದಿನಗಳಲ್ಲಿ ರಜೆ ಇರುವುದರಿಂದ ಪಂದ್ಯವನ್ನು ವೀಕ್ಷಿಸುವವರ ಸಂಖ್ಯೆ ಹೆಚ್ಚಿರುತ್ತದೆ, ಆರ್ಥಿಕವಾಗಿ ಇದು ಹೆಚ್ಚು ಲಾಭ ದಾಯಕ ಎಂಬುದು ಸ್ಟಾರ್‌ ವಾಹಿನಿಯ ಲೆಕ್ಕಾಚಾರ.