IPL Mega Auction: ಹರಾಜು ಆರಂಭ; ಭರ್ಜರಿ ಬಿಡ್‌ ಗಳಿಸಿದ ವೇಗಿ ಅರ್ಶದೀಪ್‌ ಸಿಂಗ್

Team Udayavani, Nov 24, 2024, 3:55 PM IST

ಜೆಡ್ಡಾ: ಬಹುನಿರೀಕ್ಷಿತ ಐಪಿಎಲ್‌ ಮೆಗಾ ಹರಾಜು 2025 ಆರಂಭವಾಗಿದೆ. ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ಮೆಗಾ ಹರಾಜು ಶನಿವಾರ (ನ.24) ನಡೆಯುತ್ತಿದೆ. ಮಲ್ಲಿಕಾ ಸಾಗರ್ ಐಪಿಎಲ್‌ ಪ್ರಕ್ರಿಯೆ ನಡೆಸುತ್ತಿದ್ದಾರೆ. ಎಲ್ಲಾ ಹತ್ತು ಫ್ರಾಂಚೈಸಿಗಳು ತಮಗೆ ಬೇಕಾದ ಆಟಗಾರರನ್ನು ಖರೀದಿ ಮಾಡುವ ಯತ್ನದಲ್ಲಿದ್ದಾರೆ.

2025ರ ಮೊದಲ ಹರಾಜಿನ ಆಟಗಾರರಾಗಿ ‌ವೇಗಿ ಅರ್ಶದೀಪ್‌ ಸಿಂಗ್ ಬಂದರು. ಆರಂಭದಲ್ಲಿ ಚೆನ್ನೈ ಮತ್ತು ಡೆಲ್ಲಿ ನಡುವೆ ಪೈಪೋಟಿ ಆರಂಭವಾಯಿತು. ಬಳಿಕ ಗುಜರಾತ್‌ ಟೈಟಾನ್ಸ್‌ ಮತ್ತು ಬೆಂಗಳೂರು ತಂಡಗಳು ಅರ್ಶದೀಪ್‌ ಗಾಗಿ ಬಿಡ್ಡಿಂಗ್‌ ಆರಂಭಿಸಿದವು. ಬಳಿಕ ಗುಜರಾತ್‌ ಮತ್ತು ರಾಜಸ್ತಾನ ನಡುವೆ ಪೈಪೋಟಿ ನಡೆಯಿತು. ಸನ್‌ ರೈಸರ್ಸ್‌ ಹೈದರಾಬಾದ್‌ ಮೊತ್ತವನ್ನು ಮತ್ತಷ್ಟು ಏರಿಸಿದರು.

ಕೊನೆಗೆ ಎರಡು ಕೋಟಿ ರೂ ಮೂಲ ಬೆಲೆಯ ಅರ್ಶದೀಪ್‌ ಸಿಂಗ್‌ ಅವರು 15.75 ಕೋಟಿ ರೂ ಗೆ ಸನ್‌ ರೈಸರ್ಸ್‌ ಹೈದಾರಾಬಾದ್‌ ಪಾಲಾದರು. ಈ ವೇಳೆ ಪಂಜಾಬ್‌ ಕಿಂಗ್ಸ್‌ ಆರ್‌ ಟಿಎಂ ಕಾರ್ಡ್‌ ಪ್ರಯೋಗಿಸಿತು. ನಂತರ ಹೈದರಾಬಾದ್‌ ಗೆ ಮತ್ತೊಂದು ಅವಕಾಶ ನೀಡಲಾಯಿತು. ಈ ವೇಳೆ ಹೈದರಾಬಾದ್‌ 18 ಕೋಟಿ ರೂ ಹೇಳಿದರು. ಪಂಜಾಬ್‌ ಕಿಂಗ್ಸ್‌ ಇದಕ್ಕೆ ಸಹಮತ ನೀಡಿ ಅವರನ್ನು ತಮ್ಮಲ್ಲೇ ಉಳಿಸಿಕೊಂಡರು.

ಎಡಗೈ ವೇಗಿ ಅರ್ಶದೀಪ್‌ ಸಿಂಗ್‌ ಅವರು ಈ ಹಿಂದೆ ಪಂಜಾಬ್‌ ಕಿಂಗ್ಸ್‌ ಪರ ಆಡಿದ್ದರು.