IPL Mega Auction: ಮೂರನೇ ಸೆಟ್‌ ನ ಆಟಗಾರರ ಹರಾಜು ಮಾಹಿತಿ ಇಲ್ಲಿದೆ

Team Udayavani, Nov 24, 2024, 6:45 PM IST

ಜೆಡ್ಡಾ: ಬಹುನಿರೀಕ್ಷಿತ ಐಪಿಎಲ್‌ ಮೆಗಾ ಹರಾಜು 2025 ಆರಂಭವಾಗಿದೆ. ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ಮೆಗಾ ಹರಾಜು ಶನಿವಾರ (ನ.24) ನಡೆಯುತ್ತಿದೆ. ಮಲ್ಲಿಕಾ ಸಾಗರ್ ಐಪಿಎಲ್‌ ಪ್ರಕ್ರಿಯೆ ನಡೆಸುತ್ತಿದ್ದಾರೆ. ಮೊದಲ ಸೆಟ್‌ ನಲ್ಲಿಯೇ ಭಾರಿ ಬಿಡ್ಡಿಂಗ್‌ ನಡೆದಿದ್ದು, ಪಂತ್‌ ಮತ್ತು ಅಯ್ಯರ್‌ ದಾಖಲೆಯ ಬೆಲೆಗೆ ಮಾರಾಟವಾದರು. ಕೆ.ಎಲ್‌ ರಾಹುಲ್‌ ಅವರು 14 ಕೋಟಿ ರೂ ಗೆ ಡೆಲ್ಲಿ ಪಾಲಾದರು.

ಮೂರನೇ ಹಂತದ ಹರಾಜಿನಲ್ಲಿ ಹ್ಯಾರಿ ಬ್ರೂಕ್‌ ಮೊದಲಿಗರಾಗಿ ಹರಾಜಿಗೆ ಬಂದರು. ಮೊದಲು ಚೆನ್ನೈ ಬಿಡ್‌ ಮಾಡಿದರು. ಪಂಜಾಬ್‌ ಕೂಡಾ ಪೈಪೋಟಿ ಮಾಡಿತು. ಕೊನೆಗೆ ಹ್ಯಾರಿ ಬ್ರೂಕ್‌ 6.25 ಕೋಟಿ ರೂ ಗೆ ಡೆಲ್ಲಿ ಕ್ಯಾಪಿಟಲ್ಸ್‌ ಪಾಲಾದರು.

ಕನ್ನಡಿಗ ದೇವದತ್ತ ಪಡಿಕ್ಕಲ್‌ ಅವರು ಸೇಲ್‌ ಆಗದ ಮೊದಲ ಆಟಗಾರನಾದರು.

ಏಡನ್‌ ಮಾರ್ಕ್ರಮ್‌ ಅವರು ಮೂಲಬೆಲೆ 2 ಕೋಟಿ ರೂ ಗೆ ಲಕ್ನೋ ಪಾಲಾದರು.

ಕಿವೀಸ್‌ ಆಟಗಾರ ಡೆವೋನ್‌ ಕಾನ್ವೆ 6.25 ಕೋಟಿ ರೂ ಬೆಲೆಗೆ ಚೆನ್ನೈ ಸೂಪರ್‌ ಕಿಂಗ್ಸ್ ತಂಡದ ಪಾಲಾದರು.

ರಾಹುಲ್‌ ತ್ರಿಪಾಠಿ ಅವರು 3.40 ಕೋಟಿ ರೂ ಗೆ ಚೆನ್ನೈ ಪಾಲಾದರು.

ಡೇವಿಡ್‌ ವಾರ್ನರ್‌ ಅವರು ಅನ್‌ ಸೋಲ್ಡ್‌ ಆದರು.

ಜೇಕ್ ಫ್ರೇಸರ್‌ ಮೆಕ್‌ ಗರ್ಕ್‌ ಅವರು 9 ಕೋಟಿ ರೂ ಡೆಲ್ಲಿ ಕ್ಯಾಪಿಟಲ್ಸ್‌ ಪಾಲಾದರು. ಡೆಲ್ಲಿ ಆರ್‌ ಟಿಎಮ್‌ ಕಾರ್ಡ್‌ ಪ್ರಯೋಗಿಸಿ ತನಗೆ ಪಡೆಯಿತು.