IPL Mega Auction: ಮೊದಲ ದಿನದ ಹರಾಜಿನ ಬಳಿಕ ಆರ್‌ ಸಿಬಿ ತಂಡ ಹೀಗಿದೆ ನೋಡಿ

Team Udayavani, Nov 25, 2024, 10:57 AM IST

ಜೆಡ್ಡಾ: ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ (IPL) 2025ರ ಮೆಗಾ ಹರಾಜು ಸೌದಿ ಆರೇಬಿಯಾದ ಜೆಡ್ಡಾದಲ್ಲಿ ಆರಂಭವಾಗಿದೆ. ರವಿವಾರ (ನ.25) ಮೊದಲ ದಿನದ ಹರಾಜು ಮುಗಿದಿದ್ದು, ದಾಖಲೆಗಳು ಮುರಿದವು.

ಮೊದಲ ದಿನದ ಹರಾಜಿನಲ್ಲಿ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು (RCB) ತಂಡವು ಲೆಕ್ಕಾಚಾರದ ಬಿಡ್ಡಿಂಗ್‌ ನಡೆಸಿತು. ಆರಂಭದಲ್ಲಿ ದೊಡ್ಡ ಹೆಸರುಗಳಿಗೆ ಬಿಡ್‌ ಮಾಡುವ ಗೋಜಿಗೆ ಹೋಗದ ಆರ್‌ ಸಿಬಿ ಬಳಿಕ ಕೆಲವರನ್ನು ಖರೀದಿಸಿತು.

ಕನ್ನಡಿಗ ಕೆಎಲ್‌ ರಾಹುಲ್‌ ಅವರು ಮತ್ತೆ ಆರ್‌ ಸಿಬಿ ಸೇರಬೇಕು ಎಂದು ಅಭಿಮಾನಿಗಳ ಕೂಗಾಗಿತ್ತು. ಆರಂಭದಲ್ಲಿ ಬಿಡ್‌ ಮಾಡಿದ ಆರ್‌ ಸಿಬಿ ಬಳಿಕ ಹಿಂದೆ ಸರಿಯಿತು. ಹೀಗಾಗಿ ರಾಹುಲ್‌ 14 ಕೋಟಿ ರೂ ಗೆ ಡೆಲ್ಲಿ ಪಾಲಾದರು.

ಮೊದಲ ದಿನದ ಹರಾಜಿನಲ್ಲಿ ಆರ್‌ ಸಿಬಿ ಕೇವಲ ಆರು ಆಟಗಾರರನ್ನು ಖರೀದಿ ಮಾಡಿದೆ. ಮೂವರು ಭಾರತೀಯ ಮತ್ತು ಮೂರು ಮೂವರು ವಿದೇಶಿ ಆಟಗಾರರನ್ನು ಖರೀದಿಸಲಾಗಿದೆ. ಇನ್ನೂ 16 ಸ್ಥಾನಗಳು ಬಾಕಿಯಿದ್ದು, ಅದರಲ್ಲಿ ಐದು ವಿದೇಶಿ ಆಟಗಾರರನ್ನು ಖರೀದಿ ಮಾಡಬಹುದು. ಆರ್‌ ಸಿಬಿ ಪರ್ಸ್‌ ನಲ್ಲಿ ಇನ್ನೂ 30.65 ಕೋಟಿ ರೂ ಹಣವಿದೆ.

“Let’s be honest. RCB has never won the IPL and we’ve always gone with a strategy of spending a large amount of money on a small number of players. And we wanted to change that to build a more balanced squad this year.”

Mo Bobat talks about our approach on Day 1 of the Tata IPL… pic.twitter.com/uwtx8ftWmR

— Royal Challengers Bengaluru (@RCBTweets) November 24, 2024

ಹರಾಜಿಗೂ ಮೊದಲು ಅರ್‌ ಸಿಬಿ ಮೂವರನ್ನು ತನ್ನಲ್ಲಿ ಉಳಿಸಿಕೊಂಡಿತ್ತು. ವಿರಾಟ್‌ ಕೊಹ್ಲಿ, ರಜತ್‌ ಪಟಿದಾರ್‌ ಮತ್ತು ಯಶ್‌ ದಯಾಳ್‌ ಅವರನ್ನು ಉಳಿಸಿಕೊಳ್ಳಲಾಗಿತ್ತು.

ಮೊದಲ ದಿನದ ಹರಾಜಿನ ಬಳಿಕ ಆರ್‌ ಸಿಬಿ ತಂಡ ಹೀಗಿದೆ.

ವಿರಾಟ್‌ ಕೊಹ್ಲಿ

ರಜತ್‌ ಪಟಿದಾರ್‌

ಯಶ್‌ ದಯಾಳ್‌

ಲಿಯಾಮ್‌ ಲಿವಿಂಗ್‌ ಸ್ಟೋನ್‌ (ವಿ)

ಜಿತೇಶ್‌ ಶರ್ಮಾ

ಜೋಶ್‌ ಹೇಜಲ್‌ವುಡ್‌ (ವಿ)

ಫಿಲಿಪ್‌ ಸಾಲ್ಟ್‌ (ವಿ)

ಸುಯಾಶ್‌ ಶರ್ಮಾ

ರಸಿಕ್‌ ದರ್‌ ಸಲಾಂ