ಐಪಿಎಲ್‌: ಪುಣೆ ತಂಡಕ್ಕೆ ಮಾರ್ಷ್‌ ಬದಲು ತಾಹಿರ್‌

Team Udayavani, Mar 25, 2017, 10:23 AM IST

ಪುಣೆ: ವಿಶ್ವದ ನಂ.1 ಏಕದಿನ ಹಾಗೂ ಟಿ-20 ಬೌಲರ್‌ ಆಗಿರುವ ದಕ್ಷಿಣ ಆಫ್ರಿಕಾದ ಲೆಗ್‌ ಸ್ಪಿನ್ನರ್‌ ಇಮ್ರಾನ್‌ ತಾಹಿರ್‌ ಅವರಿಗೆ 2017ರ ಐಪಿಎಲ್‌ ಬಾಗಿಲು ತೆರೆದಿದೆ. ತಾಹಿರ್‌ ಅವರು ರೈಸಿಂಗ್‌ ಪುಣೆ ಸೂಪರ್‌ಜೈಂಟ್‌ ತಂಡವನ್ನು ಕೂಡಿಕೊಳ್ಳಲಿದ್ದಾರೆ. 

ಗಾಯಾಳಾಗಿ ತವರಿಗೆ ವಾಪಸಾಗಿ ರುವ ಆಸ್ಟ್ರೇಲಿಯದ ಮಿಚೆಲ್‌ ಮಾರ್ಷ್‌ ಸ್ಥಾನವನ್ನು ತಾಹಿರ್‌ ತುಂಬಲಿದ್ದಾರೆ.ಉತ್ತಮ ಫಾರ್ಮ್ನಲ್ಲಿ ದ್ದರೂ ಕಳೆದ ಐಪಿಎಲ್‌ ಹರಾಜಿನ ವೇಳೆ 50 ಲಕ್ಷ ರೂ. ಮೂಲಬೆಲೆಯ ಇಮ್ರಾನ್‌ ತಾಹಿರ್‌ ಅವರನ್ನು ಯಾವ ಫ್ರಾಂಚೈಸಿಯೂ ಖರೀದಿಸಿರಲಿಲ್ಲ. ಈಗ ಮಾರಾಟವಾಗದೇ ಉಳಿದ ಆಟಗಾರರ ಯಾದಿಯಿಂದ ಅವರನ್ನು ಪುಣೆ ಆಯ್ದು ಕೊಂಡಿದೆ.

ತಾಹಿರ್‌ ಅವರಿಗೆ ಇದು 4ನೇ ಐಪಿಎಲ್‌. 2014ರಿಂದ ಅವರು ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡವನ್ನು ಪ್ರತಿನಿಧಿಸುತ್ತ ಬಂದಿದ್ದರು. 20 ಪಂದ್ಯಗಳಿಂದ 29 ವಿಕೆಟ್‌ ಕಿತ್ತ ಸಾಧನೆ ಇವರದಾಗಿದೆ. ತಾಹಿರ್‌ ಸೇರ್ಪಡೆಯಿಂದ ಪುಣೆ ತಂಡದಲ್ಲಿನ ವಿದೇಶಿ ಲೆಗ್‌ಸ್ಪಿನ್ನರ್‌ಗಳ ಸಂಖ್ಯೆ ಎರಡಕ್ಕೇರಿದೆ. ಆಸ್ಟ್ರೇಲಿಯದ ಆ್ಯಡಂ ಝಂಪ ಮತ್ತೂಬ್ಬ ಲೆಗ್ಗಿ. ಝಂಪ ಕಳೆದ ವರ್ಷವೂ ಪುಣೆ ಪರ ಆಡಿದ್ದರು.