ಬಾಂಗ್ಲಾ ವೇಗಿ ಟಸ್ಕಿನ್‌ ಅಹ್ಮದ್‌ ಗೆ ನಿರಾಕ್ಷೇಪಣಾಪತ್ರ ನೀಡಲು ಬಿಸಿಬಿ ನಕಾರ

Team Udayavani, Mar 22, 2022, 10:41 PM IST

ಢಾಕಾ: ಬಾಂಗ್ಲಾ ವೇಗಿ ಟಸ್ಕಿನ್‌ ಅಹ್ಮದ್‌ ಐಪಿಎಲ್‌ನಲ್ಲಿ ಆಡುತ್ತಿಲ್ಲ ಎಂದು ಬಾಂಗ್ಲಾದೇಶ ಕ್ರಿಕೆಟ್‌ ನಿಯಂತ್ರಣ ಮಂಡಳಿ (ಬಿಸಿಬಿ) ಹೇಳಿದೆ.

ಇಂಗ್ಲೆಂಡ್‌ನ‌ ವೇಗದ ಬೌಲರ್‌ ಮಾರ್ಕ್‌ ವುಡ್‌ ಗಾಯಾಳಾಗಿರುವ ಕಾರಣ ಬದಲಿ ಆಟಗಾರನ ಶೋಧದಲ್ಲಿದ್ದ ಲಕ್ನೋ ಸೂಪರ್‌ ಜೈಂಟ್ಸ್‌ ತಂಡ ಟಸ್ಕಿನ್‌ ಅವರನ್ನು ಸಂಪರ್ಕಿಸಿತ್ತು. ಆಹ್ವಾನ ಪಡೆದಿದ್ದ ಟಸ್ಕಿನ್‌ ಅವರಿಗೆ ನಿರಾಕ್ಷೇಪಣಾ ಪತ್ರ ನೀಡಲು ಬಿಸಿಬಿ ನಿರಾಕರಿಸಿದೆ.

ಐಪಿಎಲ್‌ ಸಮಯದಲ್ಲೇ ಬಾಂಗ್ಲಾ ತಂಡ ದಕ್ಷಿಣ ಆಫ್ರಿಕಾ ಪ್ರವಾಸ ಕೈಗೊಳ್ಳಲಿದೆ. ಬಳಿಕ ಶ್ರೀಲಂಕಾ ತಂಡ ಬಾಂಗ್ಲಾದೇಶಕ್ಕೆ ಪ್ರವಾಸ ಕೈಗೊಳ್ಳುವ ಕಾರಣ ಟಸ್ಕಿನ್‌ ಅವರಿಗೆ ಐಪಿಎಲ್‌ ಆಡಲು ಆಗುವುದಿಲ್ಲ. ಈ ಕುರಿತು ಟಸ್ಕಿನ್‌ ಜತೆ ಮಾತನಾಡಿದ್ದು, ಅವರು ಪರಿಸ್ಥಿತಿ ಅರ್ಥ ಮಾಡಿಕೊಂಡಿದ್ದಾರೆ ಎಂದು ಬಿಸಿಬಿ ತಿಳಿಸಿದೆ.

ಇದನ್ನೂ ಓದಿ:ಆಸ್ಟ್ರೇಲಿಯ ಆರನೇ ವಿಜಯ; ಲ್ಯಾನಿಂಗ್‌ 15ನೇ ಶತಕ ,ದಕ್ಷಿಣ ಆಫ್ರಿಕಾಕ್ಕೆ ಮೊದಲ ಸೋಲು

ಮುಜರಬಾನಿ ಸೇರ್ಪಡೆ
ಮಾರ್ಕ್‌ ವುಡ್‌ ಬದಲು ಜಿಂಬಾಬ್ವೆಯ ಯುವ ವೇಗಿ ಬ್ಲೆಸಿಂಗ್‌ ಮುಜರಬಾನಿ ಲಕ್ನೋ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಈಗಾಗಲೇ ಮುಜರಬಾನಿ ಐಪಿಎಲ್‌ ಆಡುವುದನ್ನು ಖಚಿತಪಡಿಸಿದ್ದು, ಭಾರತಕ್ಕೆ ಹೊರಟಿದ್ದಾರೆ. ಮೂರು ದಿನಗಳ ಕ್ವಾರಂಟೈನ್‌ ಬಳಿಕ ಲಕ್ನೋ ತಂಡದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಜಿಂಬಾಬ್ವೆ ಪರ 21 ಟಿ20 ಪಂದ್ಯಗಳನ್ನಾಡಿರುವ ಬ್ಲೆಸಿಂಗ್‌ ಮುಜರಬಾನಿ 25 ವಿಕೆಟ್‌ ಉರುಳಿಸಿದ್ದಾರೆ. ಪಾಕಿಸ್ಥಾನ್‌ ಸೂಪರ್‌ ಲೀಗ್‌ನಲ್ಲೂ ಉತ್ತಮ ಬೌಲಿಂಗ್‌ ಮಾಡಿದ್ದರು.