ಯುಎಸ್ಎ ಕ್ರಿಕೆಟ್ ಕೋಚ್ ಆಗಿ ಕನ್ನಡಿಗ ಜೆ.ಅರುಣ್ ಕುಮಾರ್

Team Udayavani, Apr 28, 2020, 5:30 PM IST

ಬೆಂಗಳೂರು: ಕನ್ನಡಿಗ ಜೆ ಅರುಣ್ ಕುಮಾರ್ ಅವರು ಅಮೇರಿಕಾ ಕ್ರಿಕೆಟ್ ತಂಡದ ಮುಖ್ಯ ತರಬೇತುದಾರರಾಗಿ ಆಯ್ಕೆಯಾಗಿದ್ದಾರೆ. ಜೇಮ್ಸ್ ಪೇಮ್ಮೆಂಟ್ ಸ್ಥಾನವನ್ನು ಕನ್ನಡಿಗ ಅರುಣ್ ಕುಮಾರ್ ತುಂಬಲಿದ್ದಾರೆ.

ಜೆ. ಅರುಣ್ ಕುಮಾರ್ ಅವರು ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ‌ 109 ಪಂದ್ಯಗಳಿಂದ 7208 ರನ್ ಕಲೆ ಹಾಕಿದ್ದಾರೆ. ಅರುಣ್ ಕುಮಾರ್ ಮಾರ್ಗದರ್ಶನದಲ್ಲಿ ದೇಶೀ ಕ್ರಿಕೆಟ್‌ನಲ್ಲಿ ಕರ್ನಾಟಕ ತಂಡವೂ ಅದ್ಭುತ ಪ್ರದರ್ಶನ ನೀಡಿತ್ತು.

ಈ ಹಿಂದೆ ಕಿಂಗ್ಸ್ ಇಲೆವೆನ್ ಪಂಜಾಬ್, ಪಾಂಡಿಚೇರಿ ತಂಡಗಳಿಗೆ ಅರುಣ್ ಕುಮಾರ್ ತರಬೇತುದಾರನಾಗಿ ಕೆಲಸ ನಿರ್ವಹಿಸಿದ್ದರು. ಸದ್ಯ ಅಮೇರಿಕಾ ಕ್ರಿಕೆಟ್ ತಂಡಕ್ಕೆ ಮುಖ್ಯ ಕೋಚ್ ಆಗಿ ಆಯ್ಕೆಯಾಗಿದ್ದು, ಇವರ ಆಯ್ಕೆಯನ್ನು ಯುಎಸ್ಎ ಕ್ರಿಕೆಟ್ ಸಿಇಓ ಲೇನ್ ಹಿಗ್ಗಿನ್ಸ್ ಖಚಿತಪಡಿಸಿದ್ದಾರೆ.

ಸದ್ಯ ಕೋವಿಡ್-19 ಲಾಕ್ ಡೌನ್ ಇರುವ ಕಾರಣ ಅಂತಾರಾಷ್ಟ್ರೀಯ ಗಡಿಯು ಬಂದ್ ಆಗಿದೆ. ಸದ್ಯ ಕ್ರಿಕೆಟ್ ಚಟುವಿಕೆಗಳೂ ನಿಂತಿವೆ. ಈ ಕೋವಿಡ್ ಸೋಂಕಿನ ಪ್ರಭಾವ ಕಡಿಮೆಯಾದ ನಂತರ ಅರುಣ್ ಕುಮಾರ್ ಅಮೇರಿಕಾಗೆ ಹಾರಲಿದ್ದು, ಅಮೇರಿಕಾ ಕ್ರಿಕೆಟ್ ಕ್ಯಾಂಪ್ ಸೇರಲಿದ್ದಾರೆ.