Lungi Ngidi ಐಪಿಎಲ್ ನಿಂದ ಔಟ್; ಅತ್ಯಂತ ವೇಗದ ಶತಕ ಬಾರಿಸಿದ ಆಸೀಸ್ ಆಟಗಾರ ಡೆಲ್ಲಿ ತಂಡಕ್ಕೆ

Team Udayavani, Mar 15, 2024, 11:19 AM IST

ಹೊಸದಿಲ್ಲಿ: 17ನೇ ಸೀಸನ್ ನ ಐಪಿಎಲ್ ಆರಂಭಕ್ಕೆ ಇನ್ನು ಕೆಲವೇ ದಿನಗಳು ಬಾಕಿ ಇರುವಂತೆ ಕೆಲವು ವಿದೇಶಿ ಆಟಗಾರರು ಕೂಟದಿಂದ ಹೊರ ಹೋಗುವ ನಿರ್ಧಾರ ಮಾಡುತ್ತಿದ್ದಾರೆ. ಇಂಗ್ಲೀಷ್ ಬ್ಯಾಟರ್ ಗಳಾದ ಜೇಸನ್ ರಾಯ್, ಹ್ಯಾರಿ ಬ್ರೂಕ್ಸ್ ಅವರು ಆಡದಿರಲು ನಿರ್ಧರಿಸಿದ ಬಳಿಕ, ಇದೀಗ ದಕ್ಷಿಣ ಆಫ್ರಿಕಾದ ಬೌಲರ್ ಲುಂಗಿ ಎನ್ ಡಿಗಿ ಕೂಡಾ ಐಪಿಎಲ್ ನಿಂದ ಹೊರಗುಳಿದಿದ್ದಾರೆ.

ಲುಂಗಿ ಎನ್ ಗಿಡಿ ಅವರು ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಭಾಗವಾಗಿದ್ದರು. ಗಾಯದ ಕಾರಣದಿಂದ ಅವರು ಈ ಸೀಸನ್ ನಲ್ಲಿ ಆಡುತ್ತಿಲ್ಲ ಎಂದು ವರದಿಯಾಗಿದೆ. ಅದೇ ತಂಡದ ಹ್ಯಾರಿ ಬ್ರೂಕ್ ಸೀಸನ್ ನಿಂದ ಹೊರನಡೆದ ಬಳಿಕ ಎನ್ ಗಡಿ ಅಲಭ್ಯತೆ ಡೆಲ್ಲಿಗೆ ದೊಡ್ಡ ಹೊಡೆತವಾಗಿದೆ.

ಲುಂಗಿ ಎನ್‌ಗಿಡಿ ಬದಲಿಗೆ ಆಲ್ ರೌಂಡರ್ ಜೇಕ್ ಫ್ರೇಸರ್-ಮೆಕ್‌ಗುರ್ಕ್ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ (ಡಿಸಿ) ಹೆಸರಿಸಿದೆ. ಅವರು 50 ಲಕ್ಷ ರೂ ಗೆ ಡೆಲ್ಲಿಗೆ ಆಡಲಿದ್ದಾರೆ ಎಂದು ಐಪಿಎಲ್ ಹೇಳಿಕೆ ತಿಳಿಸಿದೆ.

🚨 NEWS 🚨@DelhiCapitals name all-rounder Jake Fraser-McGurk as replacement for Lungisani Ngidi. #TATAIPL

Details 🔽 https://t.co/Ibyayedpzb pic.twitter.com/IanrX2XbyK

— IndianPremierLeague (@IPL) March 15, 2024

ಆಸ್ಟ್ರೇಲಿಯಾದ ಆಟಗಾರ ಜೇಕ್ ಫ್ರೇಸರ್-ಮೆಕ್‌ಗುರ್ಕ್ ಇತ್ತೀಚೆಗೆ ಆಕರ್ಷಕ ಶತಕದೊಂದಿಗೆ ಸುದ್ದಿಯಾಗಿದ್ದರು. ಅಕ್ಟೋಬರ್ ನಲ್ಲಿ ಲಿಸ್ಟ್ ಎ ಪಂದ್ಯದಲ್ಲಿ ಅತ್ಯಂತ ವೇಗದ ಶತಕ ಬಾರಿಸಿ ವಿಶ್ವದಾಖಲೆ ಬರೆದಿದ್ದರು. ಕೇವಲ 29 ಎಸೆತಗಳಲ್ಲಿ ಶತಕ ಹೊಡೆದಿದ್ದರು.