ಜೂ. ವೇಟ್‌ಲಿಫ್ಟಿಂಗ್‌ ಭಾರತದ ಜೆರೆಮಿ ಲಾಲ್ರಿನುಂಗಗೆ ಬೆಳ್ಳಿ

Team Udayavani, Apr 26, 2018, 6:00 AM IST

ಹೊಸದಿಲ್ಲಿ: ಉಜ್ಬೆಕಿ ಸ್ಥಾನದಲ್ಲಿ ನಡೆಯುತ್ತಿರುವ ಏಷ್ಯನ್‌ ಯೂತ್‌ ಮತ್ತು ಜೂನಿಯರ್‌ ವೇಟ್‌ಲಿಫ್ಟಿಂಗ್‌ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ಜೆರೆಮಿ ಲಾಲ್ರಿನುಂಗ ಬೆಳ್ಳಿ ಮತ್ತು ಕಂಚಿನ ಪದಕವನ್ನು ಗೆದ್ದಿದ್ದಾರೆ.

ಪುರುಷರ 56 ಕೆ.ಜಿ. ವಿಭಾಗದಲ್ಲಿ ಸ್ಪರ್ಧಿಸಿರುವ ಜೆರೆಮಿ ಯುವ ವಿಭಾಗದಲ್ಲಿ 250 ಕೆ.ಜಿ. ಭಾರ ಎತ್ತುವ ಮೂಲಕ ಬೆಳ್ಳಿ ಪದಕ ಗೆದ್ದಿದ್ದಾರೆ. ಅದೇ ರೀತಿ ಜೂನಿಯರ್‌ ವಿಭಾಗದಲ್ಲಿಯೂ ಉತ್ತಮ ಪ್ರದರ್ಶನ ನೀಡುವ ಮೂಲಕ ಕಂಚಿನ ಪದಕ ಗೆದ್ದಿದ್ದಾರೆ. ಈ ಮೂಲಕ 15 ವರ್ಷದ ಜೆರೆಮಿ ಯೂತ್‌ ಬಾಯ್ಸ ಮತ್ತು ಜೂನಿಯರ್‌ ಪುರುಷರ ವಿಭಾಗದಲ್ಲಿ ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದಾರೆ.

ಸಿದ್ಧಾಂತ್‌ಗೆ ಕಂಚು
ಉಳಿದಂತೆ ಯೂತ್‌ ಬಾಯ್ಸ ವಿಭಾಗದಲ್ಲಿ ಸಿದ್ಧಾಂತ್‌ ಗೋಗೋಯ್‌ ಕಂಚಿನ ಪದಕ ಗೆದ್ದರೆ, ಬಾಲಕಿಯರ ವಿಭಾಗದಲ್ಲಿ ಜಿಲ್ಲಿ ದರಾಬೆರಾ ಬೆಳ್ಳಿ, ಸ್ನೇಹಾ ಸೋರೆನ್‌ ಅವರು ಕಂಚಿನ ಪದಕ ಗೆದ್ದಿದ್ದಾರೆ.