ನಿವೃತ್ತಿಯಾಗುವ ವಯಸ್ಸಲ್ಲಿ ಮೊದಲ ಪಂದ್ಯವಾಡಿದ ಜೋ ಡೆನ್ಲಿ

Team Udayavani, Feb 1, 2019, 6:14 AM IST

ಆಂಟಿಗುವಾ: ಕ್ರೀಡಾಪಟುಗಳು ಸಾಧಾರಣವಾಗಿ ಮೂವತ್ತು  ವರ್ಷದ ನಂತರ ನಿವೃತ್ತಿಯಾಗುತ್ತಾರೆ. ಕ್ರಿಕೆಟ್ ಆಟಗಾರರು ಕೂಡಾ ಇದಕ್ಕೆ ಹೊರತಾಗಿಲ್ಲ. ಆದರೆ ಇಲ್ಲೊಬ್ಬ ಆಟಗಾರ ಎಲ್ಲರೂ ನಿವೃತ್ತಿಯಾಗುವ ವಯಸ್ಸಿನಲ್ಲಿ ತನ್ನ ಮೊದಲ ಟೆಸ್ಟ್ ಪಂದ್ಯವಾಡುತ್ತಿದ್ದಾರೆ. 

ಇಂಗ್ಲೆಂಡ್ ನ ಆರಂಭಿಕ ಆಟಗಾರ ಜೋ ಡೆನ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಕಣಕ್ಕಿಳಿದಿದ್ದಾರೆ. ತನ್ನ ಮೊದಲ ಅಂತಾರಾಷ್ಟ್ರೀಯ ಟೆಸ್ಟ್ ಪಂದ್ಯವಾಡುತ್ತಿರುವ ಡೆನ್ಲಿಗೆ ಈಗ ವಯಸ್ಸು 32 ವರ್ಷ 322 ದಿನಗಳು. ಸ್ವಾರಸ್ಯವೇನೆಂದರೆ ಇಂಗ್ಲೆಂಡ್ ಕ್ರಿಕೆಟ್ ನ ದಿಗ್ಗಜ ಆಟಗಾರ ಅಲಿಸ್ಟರ್ ಕುಕ್ ಟೆಸ್ಟ್ ನಿಂದ ನಿವೃತ್ತಿ ಹೊಂದುವಾಗ ಅವರಿಗೆ 33 ವರ್ಷ. ಆಗ ಕುಕ್ ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ ನಲ್ಲಿ 161  ಪಂದ್ಯವಾಡಿದ್ದರು. 

ಪ್ರಥಮ ದರ್ಜೆ ಕ್ರಿಕೆಟ್ ನಲ್ಲಿ ಡೆನ್ಲಿ ಈಗಾಗಲೇ 189 ಪಂದ್ಯಗಳಿಂದ 10986 ರನ್ ಗಳಿಸಿದ್ದಾರೆ. ವೆಸ್ಟ್ ಇಂಡೀಸ್ ವಿರುದ್ಧದ ದ್ವಿತೀಯ ಪಂದ್ಯಕ್ಕೆ ಕೀಟನ್ ಜೆನ್ನಿಂಗ್ ಬದಲಿಗೆ ಜೋ ಡೆನ್ಲಿ ಸ್ಥಾನ ಪಡೆದಿದ್ದಾರೆ.