ಇಂಡಿಯಾನ ವೇಲ್ಸ್‌ ಟೆನಿಸ್‌: ಡೆಲ್‌ ಪೊಟ್ರೊ, ಒಸಾಕಾ ಚಾಂಪಿಯನ್ಸ್‌

Team Udayavani, Mar 20, 2018, 7:30 AM IST

ಇಂಡಿಯಾನ ವೇಲ್ಸ್‌: ವಿಶ್ವದ ನಂಬರ್‌ ವನ್‌ ಆಟಗಾರ ರೋಜರ್‌ ಫೆಡರರ್‌ ಅವರನ್ನು ಮಣಿಸಿದ ಆರ್ಜೆಂಟೀನಾದ ಜುವಾನ್‌ ಮಾರ್ಟಿನ್‌ ಡೆಲ್‌ ಪೊಟ್ರೊ “ಇಂಡಿಯಾನ ವೇಲ್ಸ್‌ ಟೆನಿಸ್‌ ಚಾಂಪಿಯನ್‌ಶಿಪ್‌’ನಲ್ಲಿ ಪ್ರಶಸ್ತಿ ಜಯಿಸಿದ್ದಾರೆ. ವನಿತಾ ವಿಭಾಗದ ಪ್ರಶಸ್ತಿ ಜಪಾನಿನ ನವೋಮಿ ಒಸಾಕಾ ಪಾಲಾಗಿದೆ.

ತೀವ್ರ ಪೈಪೋಟಿಯಿಂದ ಕೂಡಿದ ಪುರುಷರ ಸಿಂಗಲ್ಸ್‌ ಫೈನಲ್‌ನಲ್ಲಿ ಡೆಲ್‌ ಪೊಟ್ರೊ 6-4, 6-7 (8-10), 7-6 (7-2) ಅಂತರದಿಂದ ಫೆಡರರ್‌ ಅವರನ್ನು ಮಣಿಸಿದರು. ಇದು ಡೆಲ್‌ ಪೊಟ್ರೊ ಗೆದ್ದ ಮೊದಲ ಇಂಡಿಯಾನ ವೇಲ್ಸ್‌ ಟೆನಿಸ್‌ ಪ್ರಶಸ್ತಿ. 
ನವೋಮಿ ಒಸಾಕಾ ಪಾಲಿಗೂ ಇದು ಮೊದಲ ಇಂಡಿಯಾನ ವೇಲ್ಸ್‌ ಪ್ರಶಸ್ತಿಯಾಗಿದೆ. ಅಷ್ಟೇ ಅಲ್ಲ, ಇಲ್ಲಿ ಚಾಂಪಿಯನ್‌ ಆದ ಮೊದಲ ಜಪಾನಿ ಆಟಗಾರ್ತಿ ಎಂಬ ಹೆಗ್ಗಳಿಕೆಯೂ ಒಸಾಕಾ ಅವ ರದು. ಅವರು ರಶ್ಯದ ದರಿಯಾ ಕಸತ್ಕಿನಾ ವಿರುದ್ಧ 6-3, 6-2 ಅಂತರದ ಜಯ ಸಾಧಿಸಿದರು.