Kalaburagi; ನಾಳೆಯಿಂದ ಪುರುಷರ ಎಟಿಎಫ್‌ ಕೂಟ

Team Udayavani, Nov 25, 2023, 6:00 AM IST

ಕಲಬುರಗಿ: ವಿಶ್ವ ಟೆನಿಸ್‌ ಪಂದ್ಯಾವಳಿಯ ಆತಿಥ್ಯ ವಹಿಸಲು ಕಲಬುರಗಿ ನಗರ ಸಜ್ಜಾಗಿದೆ. ನಗರದ ಚಂದ್ರಶೇಖರ ಪಾಟೀಲ ಜಿಲ್ಲಾ ಕ್ರೀಡಾಂಗಣದಲ್ಲಿ ನ.26ರಿಂದ ಡಿ.3ರ ವರೆಗೆ ಅಲ್ಟ್ರಾಟೆಕ್‌ ಸಿಮೆಂಟ್ಸ್‌ ಎಟಿಎಫ್‌ ಪುರುಷರ ಟೆನಿಸ್‌ ಪಂದ್ಯಾವಳಿ ನಡೆಯಲಿದೆ. ಎಂಟು ವರ್ಷಗಳ ಅನಂತರ ನಗರದಲ್ಲಿ ನಡೆಯಲಿರುವ ಈ ಪಂದ್ಯಾವಳಿಯಲ್ಲಿ ಜಗತ್ತಿನ 9 ದೇಶಗಳ ಕ್ರೀಡಾಪಟುಗಳು ಪಾಲ್ಗೊಳ್ಳುತ್ತಿದ್ದು, ವಿಶ್ವದ 65ನೇ ಶ್ರೇಯಾಂಕಿತ ಆಟಗಾರ ಎವ್ಗೆನಿ ಡಾನ್‌ ಸ್ಕಾಯ್‌, ಜರ್ಮನಿಯ ಲೂಯಿಸ್‌ ವೆಸೆಲ್ಸ್‌, ಭಾರತದ ದಿಗ್ವಿಜಯ ಸಿಂಗ್‌ ಪಾಲ್ಗೊಳ್ಳಲಿದ್ದಾರೆ. ಇತ್ತೀಚೆಗೆ ಧಾರವಾಡದಲ್ಲಿ ನಡೆದ ಐಟಿಎಫ್‌ ಓಪನ್‌ ಪಂದ್ಯಾವಳಿಯ ವಿಜೇತ ರಾಮಕುಮಾರ ರಾಮನಾಥನ್‌ ಕೂಡ ಸ್ಪರ್ಧಾಕಣದಲ್ಲಿದ್ದಾರೆ.

ಪಂದ್ಯಾವಳಿಯ ಒಟ್ಟು ಬಹುಮಾನ ಮೊತ್ತ 25000 ಡಾಲರ್‌ (20.83 ಲ. ರೂ.). ನ.25ರಂದೇ ಕ್ರೀಡಾಪಟುಗಳು ಕಲಬುರಗಿಗೆ ಆಗಮಿಸಲಿ ದ್ದಾರೆ. ಅರ್ಹತಾ ಸುತ್ತಿನ ಪಂದ್ಯಗಳು 26 ಮತ್ತು 27ರಂದು ನಡೆಯ ಲಿವೆ. ಪಂದ್ಯಾವಳಿಯಲ್ಲಿ 32 ಆಟಗಾರರು ಸಿಂಗಲ್ಸ್‌ ಪಂದ್ಯ ಆಡಲಿದ್ದಾರೆ.