ಇಂಗ್ಲೆಂಡ್ ಸರಣಿಯಿಂದ ವಿಲಿಯಮ್ಸನ್ ಔಟ್: ಕಿವೀಸ್ ಗೆ ಹೊಸ ನಾಯಕ

Team Udayavani, Oct 25, 2019, 10:16 AM IST

ವೆಲ್ಲಿಂಗ್ಟನ್: ಇಂಗ್ಲೆಂಡ್ ವಿರುದ್ಧದ ಐದು ಪಂದ್ಯಗಳ ಟಿ ಟ್ವೆಂಟಿ ಸರಣಿಗೆ ನ್ಯೂಜಿಲ್ಯಾಂಡ್ ತಂಡ ಪ್ರಕಟವಾಗಿದ್ದು, ನಾಯಕ ಕೇನ್ ವಿಲಿಯಮ್ಸನ್ ಹೊರಗುಳಿಯಲಿದ್ದಾರೆ.

ಸೊಂಟದ ನೋವಿನಿಂದ ಬಳಲುತ್ತಿರುವ ಕಾರಣ ಕೇನ್ ಇಂಗ್ಲೆಂಡ್ ಸರಣಿಗೆ ಅಲಭ್ಯರಾಗಲಿದ್ದಾರೆ. ಅವರ ಬದಲಿಗೆ ಟಿಮ್ ಸೌಥಿ ತಂಡವನ್ನು ಮುನ್ನಡೆಸಲಿದ್ದಾರೆ.

29ರ ಹರೆಯದ ಕೇನ್ ನಾಥರ್ನ್ ಡಿಸ್ಟ್ರಿಕ್ಸ್ ಪರವಾಗಿ ಆಡಿದ್ದರು. ಈ ಪಂದ್ಯದ ವೇಳೆ ಕೇನ್ ನೋವಿಗೆ ಒಳಗಾಗಿದ್ದರು. ಕಳೆದ ಬಾಂಗ್ಲಾ ವಿರುದ್ಧದ ಟೆಸ್ಟ್ ಸರಣಿಯ ವೇಳೆಗೂ ವಿಲಿಯಮ್ಸನ್ ಇದೇ ರೀತಿ ನೋವಿಗೆ ಒಳಗಾಗಿದ್ದರು.

ತಂಡ: ಟಿಮ್ ಸೌಥಿ, ಕಾಲಿನ್ ಡಿ ಗ್ರಾಂಡ್ ಹೋಮ್, ಲೂಕಿ ಫರ್ಗುಸನ್  ( ಮೊದಲ ಮೂರು ಪಂದ್ಯಗಳಿಗೆ), ಮಾರ್ಟಿನ್ ಗಪ್ಟಿಲ್, ಸ್ಕಾಟ್ ಕಗ್ಲುಜಿನ್, ಡ್ಯಾರೆಲ್ ಮಿಚೆಲ್, ಕಾಲಿನ್ ಮನ್ರೋ, ಜಿಮ್ಮಿ ನೀಶಮ್, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೆಫರ್ಟ್, ಇಶ್ ಸೋಧಿ, ರಾಸ್ ಟೇಲರ್ಗ, ಬ್ಲೇರ್ ಟಿಕ್ನರ್, ಟ್ರೆಂಟ್ ಬೋಲ್ಟ್ ( ಕೊನೆಯೆರಡು ಪಂದ್ಯಗಳಿಗೆ)