ದ್ರಾವಿಡ್‌ರಿಂದ ಬ್ಯಾಟಿಂಗ್‌ ಬದಲಾಯಿತು: ಕೆಪಿ

Team Udayavani, Apr 13, 2017, 10:17 AM IST

ನವದೆಹಲಿ: ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ (ಐಪಿಎಲ್‌)ನಲ್ಲಿ ವಿವಿಧ ದೇಶದ ಆಟಗಾರರು, ವೀಕ್ಷಕ ವಿವರಣೆಗಾರರು ಒಟ್ಟಾಗಿ ಸೇರುತ್ತಾರೆ.ದೀರ್ಘ‌ ಒಟ್ಟಿಗೆ ಅವರಲ್ಲಿ ಬಾಂಧವ್ಯ ಬೆಳೆದಿರುತ್ತದೆ. ಇದರಿಂದ ಅಮೂಲ್ಯ ವಿಚಾರ ವಿನಿಮಯ ನಡೆಯುತ್ತವೆ. ವಿಶ್ವ ಕ್ರಿಕೆಟ್‌ನ ಸಾರ್ವಕಾಲಿಕ ಶ್ರೇಷ್ಠ ಆಟಗಾರ ರಾಹುಲ್‌ ದ್ರಾವಿಡ್‌ರಿಂದ ಅಂತಹ ಅಮೂಲ್ಯ ಸಿಕ್ಕಿದೆ. ಇದು ಐಪಿಎಲ್‌ನಿಂದ ನನಗಾದ ಲಾಭ ಎಂದು ಇಂಗ್ಲೆಂಡ್‌ ಕ್ರಿಕೆಟ್‌ ಶ್ರೇಷ್ಠ ಆಟಗಾರ ಕೆವಿನ್‌ ಪೀಟರ್ಸನ್‌ ಹೇಳಿದ್ದಾರೆ. 

ನಾನು ಬೇಗನೇ ಔಟಾಗಿ ಪೆವಿಲಿಯನ್‌ ಸೇರುತ್ತಿದ್ದೆ. ಈ ಬಗ್ಗೆ ರಾಹುಲ್‌ ದ್ರಾವಿಡ್‌ ಸಲಹೆಗಾಗಿ ಇ-ಮೇಲ್‌ ಮಾಡಿದ್ದೆ. ದ್ರಾವಿಡ್‌ ಬಹಳ ತಾಳ್ಮೆಯಿಂದ ಪ್ರತಿಕ್ರಿಯೆ ನೀಡಿದ್ದರು. ಅವರು ನೀಡಿದ ಸಲಹೆ ನನ್ನ ವೃತ್ತಿ ಜೀವನಕ್ಕೆ ತುಂಬಾ ಸಹಾಯಕವಾಗಿತು. ಇದು ನನಗಷ್ಟೇ ಅಲ್ಲ ಇಡೀ ಇಂಗ್ಲೆಂಡ್‌ ಕ್ರಿಕೆಟ್‌ಗೆ ನೆರವಾಗಬಹುದಾದ ಸಲಹೆ ಎಂದು ತಿಳಿಸಿದ್ದಾರೆ.