ಲಾಹೋರ್‌ ಟೆಸ್ಟ್‌: ಆಸ್ಟ್ರೇಲಿಯದ ಆರಂಭಕಾರ ಉಸ್ಮಾನ್‌ ಖ್ವಾಜಾ ಅಮೋಘ ಬ್ಯಾಟಿಂಗ್‌

Team Udayavani, Mar 21, 2022, 11:30 PM IST

ಲಾಹೋರ್‌: ಆಸ್ಟ್ರೇಲಿಯದ ಆರಂಭಕಾರ ಉಸ್ಮಾನ್‌ ಖ್ವಾಜಾ ಮತ್ತೊಂದು ಅಮೋಘ ಬ್ಯಾಟಿಂಗ್‌ ಮೂಲಕ ಪಾಕಿಸ್ಥಾನ ಬೌಲರ್‌ಗಳಿಗೆ ಸವಾಲಾಗಿ ಕಾಡಿದರು. ಸೋಮವಾರ ಮೊದಲ್ಗೊಂಡ ಲಾಹೋರ್‌ ಟೆಸ್ಟ್‌ ಪಂದ್ಯದಲ್ಲಿ ಆಸೀಸ್‌ 5 ವಿಕೆಟಿಗೆ 232 ರನ್‌ ಗಳಿಸಿದ್ದು, ಇದರಲ್ಲಿ ಖ್ವಾಜಾ ಪಾಲು 91 ರನ್‌.

ಆಸ್ಟ್ರೇಲಿಯ 8 ರನ್‌ ಮಾಡುವಷ್ಟರಲ್ಲಿ ವಾರ್ನರ್‌ (7) ಮತ್ತು ಲಬುಶೇನ್‌ (0) ಅವರ ವಿಕೆಟ್‌ ಕಳೆದುಕೊಂಡು ತೀವ್ರ ಸಂಕಟಕ್ಕೆ ಸಿಲುಕಿತ್ತು. ಈ ಹಂತದಲ್ಲಿ ಖ್ವಾಜಾ ಮತ್ತು ಸ್ಟೀವನ್‌ ಸ್ಮಿತ್‌ 138 ರನ್‌ ಜತೆಯಾಟ ನಡೆಸಿ ತಂಡವನ್ನು ಆಧರಿಸಿದರು. ಸ್ಮಿತ್‌ ಗಳಿಕೆ 59 ರನ್‌.

ಇದನ್ನೂ ಓದಿ:ಅಡಿಕೆ ಆರೋಗ್ಯಕ್ಕೆ ಹಾನಿಕಾರಕ ಅಲ್ಲ: ಸಚಿವ ಆರಗ ಜ್ಞಾನೇಂದ್ರ

ಈ ಸರಣಿಯಲ್ಲಿ ಕ್ರಮವಾಗಿ 97, 160, 44 ರನ್‌ ಬಾರಿಸಿದ ಉಸ್ಮಾನ್‌ ಖ್ವಾಜಾ ಮತ್ತೂಮ್ಮೆ ಶತಕ ವಂಚಿತರಾದರು. ಅವರ 91 ರನ್‌ 219 ಎಸೆತಗಳಿಂದ ಬಂತು (9 ಬೌಂಡರಿ, 1 ಸಿಕ್ಸರ್‌). ಪಾಕಿಸ್ಥಾನ ಪರ ಶಾಹೀನ್‌ ಅಫ್ರಿದಿ ಮತ್ತು ನಸೀಮ್‌ ಶಾ ತಲಾ 2 ವಿಕೆಟ್‌ ಕೆಡವಿದರು.