ವಾರ್ನರ್‌ಗೆ ಅಭಿನಂದನೆ ಸಲ್ಲಿಸಿದ ಕೊಹ್ಲಿ

Team Udayavani, May 3, 2017, 12:15 PM IST

ಬೆಂಗಳೂರು: ಕೆಕೆಆರ್‌ ತಂಡದೆದುರು ಅಮೋಘ ಶತಕ ಸಿಡಿಸಿದ ಡೇವಿಡ್‌ ವಾರ್ನರ್‌ ಅವರಿಗೆ ಆರ್‌ಸಿಬಿ ನಾಯಕ ವಿರಾಟ್‌ ಕೊಹ್ಲಿ ಅಭಿನಂದನೆ ಸಲ್ಲಿಸಿದ್ದಾರೆ. ಕೊಹ್ಲಿ ಅವರ ನಡೆಗೆ ವಾರ್ನರ್‌ ಕೃತಜ್ಞತೆ ವ್ಯಕ್ತಪಡಿಸಿದ್ದಾರೆ.

ಇಂತಹ ಪ್ರೋತ್ಸಾಹದ ನುಡಿಗಳನ್ನು ಪಡೆಯುವುದು ಯಾವಾಗಲೂ ಗ್ರೇಟ್‌. ನಾವೆಲ್ಲ ಅಂತಾರಾಷ್ಟ್ರೀಯ ಕ್ರಿಕೆಟಿಗರು ಮತ್ತು ಈ ಕೂಟಕ್ಕಾಗಿ ನಾವಿಲ್ಲಿ ಸೇರಿದ್ದೇವೆ. ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಗಡಿಗಳಿವೆ ಮತ್ತು ಅದನ್ನು ದಾಟಲು ನಾವು ಬಯಸುವುದಿಲ್ಲ. ಆದರೆ ಐಪಿಎಲ್‌ನಲ್ಲಿ ನಾವು ಜತೆಯಾಗಿ ಬಂದಾಗ ಮತ್ತು ಆಡಲು ಅಂಗಣಕ್ಕೆ ಇಳಿದಾಗ ಇದೊಂದು ಸ್ಪರ್ಧೆಯೆಂದು ಭಾವಿಸುತ್ತೇವೆ ಮತ್ತು ಅದಕ್ಕಾಗಿ ನಾವು ಎಲ್ಲರನ್ನೂ ಗೌರವಿಸುತ್ತೇವೆ ಎಂದು ವಾರ್ನರ್‌ ತಿಳಿಸಿದರು.

ಯಾರಾದರೂ ಉತ್ತಮ ನಿರ್ವಹಣೆ ನೀಡಿದರೆ ಅಭಿನಂದನಾ ಸಂದೇಶ ಕಳುಹಿಸಲು ಕಷ್ಟವೇನೂ ಆಗದು. ನಾವು ಪರಸ್ಪರ ಪ್ರೋತ್ಸಾಹದ ಸಂದೇಶ ನೀಡುತ್ತಿರಬೇಕು. ಯಾಕೆಂದರೆ ಐಪಿಎಲ್‌ ಎಂಬುದು ಪ್ರೇಕ್ಷಕರನ್ನು ಮತ್ತು ಅಭಿಮಾನಿಗಳನ್ನು ರಂಜಿಸಲು ಇರುವಂತಹ ಕೂಟವಾಗಿದೆ ಮತ್ತು ನಮ್ಮ ಶ್ರೇಷ್ಠ ಆಟವನ್ನು ವೀಕ್ಷಿಸಲು ನಾವು ನೆರ ವಾಗುವುದು ಎಂದು ವಾರ್ನರ್‌ ಹೇಳಿದರು.