ಟೈಗರ್ ಗೆ ಬಲೆ ಬೀಸಿದ ಶಿವಮೊಗ್ಗ

Team Udayavani, Aug 18, 2019, 5:00 AM IST

ಬೆಂಗಳೂರು: ಕೆಪಿಎಲ್‌ ಟಿ20 ಕೂಟದಲ್ಲಿ “ನಮ್ಮ ಶಿವಮೊಗ್ಗ’ ಶುಭಾರಂಭ ಮಾಡಿದೆ. ಶನಿವಾರದ ಮೊದಲ ಪಂದ್ಯದಲ್ಲಿ ಹುಬ್ಬಳ್ಳಿ ಟೈಗರ್ ವಿರುದ್ಧ 6 ವಿಕೆಟ್‌ ಗೆಲುವು ಸಾಧಿಸಿದೆ.

ಮೊದಲು ಬ್ಯಾಟಿಂಗ್‌ ಮಾಡಿದ ಹುಬ್ಬಳ್ಳಿ 20 ಓವರ್‌ಗಳಲ್ಲಿ 154ಕ್ಕೆ ಆಲೌಟಾದರೆ, ನಮ್ಮ ಶಿವಮೊಗ್ಗ 18 ಓವರ್‌ಗಳಲ್ಲಿ 4 ವಿಕೆಟಿಗೆ 155 ರನ್‌ ಗಳಿಸಿ ಗೆಲುವು ಸಾರಿತು.

ನಿಹಾಲ್‌ ಕೆಚ್ಚೆದೆಯ ಹೋರಾಟ
ನಮ್ಮ ಶಿವಮೊಗ್ಗ ಪರ ಮಂಗಳೂರು ಮೂಲದ ಆರಂಭ ಕಾರ ನಿಹಾಲ್‌ ಉಳ್ಳಾಲ್‌ ಅಜೇಯ 88 ರನ್‌ ಬಾರಿಸಿ ತಂಡದ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದರು.

ನಿಹಾಲ್‌ ಅವರ 60 ಎಸೆತಗಳ ಸೊಗಸಾದ ಆಟದಲ್ಲಿ 11 ಬೌಂಡರಿ, 3 ಭರ್ಜರಿ ಸಿಕ್ಸರ್‌ ಒಳಗೊಂಡಿತ್ತು.ಅರ್ಜುನ್‌ ಹೊಯ್ಸಳ (13)-ನಿಹಾಲ್‌ ಉಳ್ಳಾಲ್‌ ಮೊದಲ ವಿಕೆಟಿಗೆ 43 ರನ್‌ ಜತೆಯಾಟ ನಡೆಸಿದರು. ಅನಂತರ ಸುಜಿತ್‌ ಗೌಡ ಕೇವಲ ಒಂದು ರನ್‌ ಮಾಡಿ ರನೌಟಾದರು. ಪವನ್‌ ದೇಶಪಾಂಡೆ (20), ಅಕ್ಷಯ್‌ ಬಲ್ಲಾಳ್‌ (20) ತಂಡಕ್ಕೆ ರಕ್ಷಣೆ ಒದಗಿಸಿದರು. ನಿದೇಶ್‌ (9) ಅಜೇಯರಾದರು.

ಪವನ್‌ ಅರ್ಧ ಶತಕ
ಹುಬ್ಬಳ್ಳಿ ಟೈಗರ್ ಟಿ. ಪ್ರದೀಪ್‌ (47ಕ್ಕೆ3 ), ರಿಷಭ್‌ ಸಿಂಗ್‌ (19ಕ್ಕೆ 3), ಎಚ್‌.ಎಸ್‌. ಶರತ್‌ (30ಕ್ಕೆ 2) ಅವರ ಮಾರಕ ಬೌಲಿಂಗ್‌ ದಾಳಿಗೆ ಸಿಲುಕಿತು.ಗುರುವಾರದ ಬೆಂಗಳೂರು- ಮೈಸೂರು ನಡುವಿನ ಉದ್ಘಾ ಟನಾ ಪಂದ್ಯ ಮಳೆಯಿಂದ ರದ್ದುಗೊಂಡಿತ್ತು.